話說當大家好努力咁炒緊00 Riser,7劍仲有Strike Freedom個陣,大陸有副廠唔聲唔聲出左部好似Strike Gundam既Ale Mecha Warrior。小毒見相好似幾高汁,又識著燈,冒住爆炸既危險買左部番黎睇下乜料。唔講咁多,去片。
隻野連盒有成2.7KG,拆左盒拎上手,哇!D你咁重手既!見到D關節全部好重合金而且啲關節都實實地唔會好鬆。部野仲有埋底座,而最盞鬼既係原來個底座有個隱藏式既入電位。
其實前面隻眼都著左燈,不過就冇後面個噴射器咁明顯,堅靚(聽聞第2批會隱藏埋條電線。
熄燈效果
近 SHOT
小毒好想讚下隻野D關節做得好好,啲可動角度好大,用手拎劍無難度。啲手指都係每隻都可以郁到,不過唔好太大力……會斷。
佢附送既武器唔算太多,兩把刀仔,兩把激光劊,一把大刀,一把槍同埋個盾。但造工唔錯。
黎多個近SHOT,好多位都畫晒線,而且用左啞色,感覺一啲都唔膠。
失敗位係佢把大刀都係合金造……所以有少少重得濟,雖然可以兩隻手拎,但係都係唔夠力會跌番落黎。
做番個經典 POSE 先。對腿都張得幾開。
睇埋腳,一樣可動性好高,而且好似MG RX-782 MG3.0咁大腿屈埋個陣個甲會自動分開增力可動性!
後補多幾張detail位,對副翼識得郁嫁都。
把刀仔呢就放左係呢到既。
最FAIL位係串錯字囉,下一批應該會改番掛。
總結:
本來期望唔係好高,見識著燈買黎玩下。但係黎到意外地發現好高汁,感覺仲靚過眼鏡廠出個啲Metal Build。小毒買個陣都係572人仔,呢家好似要760人仔 (可能太高汁關係),不過小毒係油麻地見到賣緊$1400。
完成度:5星
可動性:4.5星
可玩性:5星
美觀度:5星(識著燈加晒分)
霸氣值:3.5星
推薦度:5星