今次真係正阿喂，本身仲有好多十五十六十七十八諗緊買唔買隻 PSV版定等 PS4版，而家就有好消息啦！日本 Falcom 今日宣布，係日本 PlayStation Store 會上架 PS Vita ARPG 遊戲《伊蘇 8 -丹娜的鼻隕涕日-》既免費版，雖然就係得日文版，但係免費你仲諗乜鬼嗟，咪試咗先囉，而且玩啱既話買正式版個 Save 仲可以繼承，不過中文版繼唔繼承到就唔知鳥。
咁今次既免費版內容就係由序章玩到去到第二部中間，基本既探索賽連島、組隊戰鬥、打巨型 Boss 等等爽皮戰鬥都會玩得到，而且其中一個主要內容「迎擊戰」都會玩到，可以比大家體驗埋以及集結漂流者之力守村先決定買唔買，都叫幾有良心，其他資料既睇回帶文章啦！
PS Vita 免費版《伊蘇 8 -丹娜的鼻隕涕日-》下載傳送門
回帶相關文章：
VJGamer總編，細細個已經蒲機舖，機齡甚深，熱愛電玩文化。