之前已經比人媽叉佢延期既《Final Fantasy XV》，相信係為咗塞住你地把口，咁喺啱啱就出咗條成半粒鐘既實機影片，內容就類似之前係 Gamescom 果條咁上下，都係 PS4 / Xbox One 正式版黎，分別係序章，係 Open World 既探索同戰鬥，仲有角色互動等等，不過我睇完就淨係記得成班仔係度….丫…嗚丫…嗯…啊….咁囉，建議隔離無人先開聲睇，唔係一陣比人誤會就唔關我地事啦！

係影片入面大家會見到推車一幕，咁就要回返少少帶啦，因為係遊戲入面既車輛係有可能會遇無油既情況，係呢個時候就要落車推車啦！而且貼心既製作團隊怕大家覺得推車太無聊，所以佢地好努力咁將呢 Part 設計成能夠同夥伴快樂地合作推車，嘩……HEHE味濃。

根據 FAMITSU.com 既訪問，總監田畑端延期既原因係隻 Game 唔夠爽，尤其因為程式問題會導致 Drop Frame，角色動作有違和感等等，同埋因為要進一步提升遊戲平衡度，為咗要改善呢啲問題所以就有延期既決定啦。

另外總監田畑端亦都表示全球有好多玩家係無上網或者連線質素差既情況之下玩，因為首日個更新係無辦法解決呢個問題，所以呢個都係延期既原因黎。不過呢隻 Game 唔係單機架咩…….點解要 Online 玩？

咁成隻《Final Fantasy XV》係會有總數 16 章，遊戲前半部份採取自由探索既 Open World 型式，後半部就係故事劇情為主導既型式，成隻 Game 淨計主線既話遊玩時間就大約 40-50 個鐘，當然 後面係會有 DLC 架啦，SE 又點會錫住閣下既銀包。《Final Fantasy XV》預計係 11月 29日同步發行繁體中文版，將會有 PS4 / Xbox One 版本。