喂真係興奮到爆炸，想當年我地個個都經歷過入機舖扮車手既階段，最頂癮既係當年《Daytona》設定只要越遲起步極速就越高，結果就個個入錢落去但係鬥遲開車，呢個咁搞笑既現象有機會重現啦！！係啱啱 SEGA官方 Twitter 宣布，相隔 18年之後《Daytona》最新一集將會回歸，最緊要果樣係街機版！
數到最近《Daytona》有動作已經係 2011年果陣，SEGA 移植街機版到 PS3 / Xbox 360 度，不過玩《Daytona》係屋企玩又點會有 Feel丫，咁今次 SEGA 官方既 Twitter 就淨係放咗幅 GIF 出黎，遊戲畫面就無得你睇啦，淨係話會係二個星期後既 IAAPA Attractions Expo上面透露更多資訊 (希望有 DEMO 玩啦！)，喂唔通機舖復興靠呢鋪？
VJGamer總編，細細個已經蒲機舖，機齡甚深，熱愛電玩文化。