狼人終章《Logan》電影前必讀懶人包


今個星期就上映《 Logan 》(盧根),除咗係 Wolverine (狼人) 嘅最終章,亦係 Hugh Jackman 最後一次飾演 Wolverine ,而 Patrick Stewart 都表示最後一次飾演 Professor X ( X 博士)。今集戲名同先前系列唔同,再唔叫  Wolverine ,而係用 Wolverine 原名 James “Logan” Howlett ,簡稱 Logan,令不少美漫 fans 聯想起講述年老 Wolverine 嘅漫畫作品 – 《 Wolverine: Old Man Logan 》,稍後會簡單下介紹呢個漫畫故仔,因為睇過電影 trailer 都知今集故仔會著眼係 Logan 同 X 23 所發生嘅事,同漫畫故仔略有不同。

漫畫《 Wolverine: Old Man Logan 》

時間線
首先要講下今集故事發生嘅時間先,官方資料指故事發生係 2029 年,咁即係幾時? 還記得 2014年嘅《 X-Men: Days of Future Past 》(變種特攻:未來同盟戰) 結局,Logan 改變咗過去時空,產生咗新嘅時間線 – 所有人包括 Cyclops (鐳射眼) 同 Jean Grey (靈鳥)仲在生嘅時空,今集故事就正正發生係呢個時間線嘅數十年之後。

《 X-Men: Days of Future Past 》(變種特攻:未來同盟戰) 結局片段

世界觀
今集 Logan 能力大不如前,外表老咗好多,呢度要更正一點,Logan 唔係長生不老,只係延緩衰老程度,佢係 19 世紀出世,去到 2029 年外表衰老係好正常。除咗外表,佢嘅再生因子都慢慢衰老,自癒能力大大降低,再唔係刀槍不入,甚至佢隻手出爪嘅位都唔再癒合。Professor X 都唔係好得好多,年紀老邁嘅 Professor X 受到阿兹海默病影響,簡單黎講係腦退化,能力都大受影響。同時間呢個時空變種人已經接近絕種,半人半機械部隊 The Reavers 聯同聯邦警員四處捕獵變種人,Logan 同 Professor X 面臨重大危機。

X23

X23 原名叫 Laura Kinney,X23 呢個代號源自佢係 Dr. Nathaniel Essex 利用 Logan 血液進行複製嘅第 23 號實驗品,同 Logan 一樣有強大嘅自癒能力,X23 兩手各有兩爪,而雙腳各有一爪,佢嘅爪亦都係 Adamantine (亞德曼金屬),唔同嘅係佢身體其它部份冇注入 Adamantine ,冇 Logan 咁挨得打。係今次電影裡面, Logan 為咗保護 X23 免受  The Reavers 擄走,慢慢地引起父女情。而係同名《 X23 》 漫畫裡面,Logan 得到 Cyclops 嘅同意,收養 X23 ,籍此加入 X-Men 。而係漫畫《All-New Wolverine》中 X23 亦繼承 “Wolverine”呢個外號同著 Logan 黑黃色經典戰爭鬥服。

x23 漫畫造型

漫畫《All-New Wolverine》中 X23 亦繼承 “Wolverine”呢個外號同著 Logan 黑黃色經典戰爭鬥服

奸角Donald Pierce

Donald Pierce 原本只係一個普通人,出生於一個有錢家庭,係漫畫中同 Cable 戰鬥慘敗導致失去四肢,於是接受改造成為半人半機械,同時間非常憎恨變種人。漫畫設定中佢身體由輕合金金屬組成,可抵抗強大嘅炮火攻撃,而且大腦組織都有改造過,可以抵擋一定程度嘅心靈控制。而係今次電影中,Donald Pierce 冇失去四肢咁嚴重,唔知會唔會交代點失去,但肯定都係咁憎變種人,佢率領半人半機械部隊 The Reavers 四處捕獵變種人,而且仲捉埋係《  X-Men: Apocalypse 》( 變種特攻:天啟滅世戰 ) 出現過嘅 Caliban ( 因為白化症唔可以接足陽光,要幪面),佢嘅能力就係可以追蹤變種人,Donald Pierce 就利用 Caliban 嘅能力去追捕 X23。

Donald Pierce  (中間) 漫畫造型

漫畫中同 Donald Pierce 大戰嘅 Cable

《  X-Men: Apocalypse 》( 變種特攻:天啟滅世戰 ) 出現過嘅 Caliban

白化症唔可以接足陽光,要幪面嘅 Caliban

Caliban 漫畫造型

可能出現嘅重要角色 – Daken

電影預告當中,見到 Logan 同 一個一樣有6隻爪嘅人戰鬥,呢個人可能正正係 Logan 嘅親生仔 Daken ! Daken 同 Logan 雖然都有六隻爪,但 Daken 嘅爪係兩隻係手背,一隻係手腕。呢度要追溯到 漫畫《 Wolverine: Origins 》,Daken 係由 Logan 同佢係二戰時所認識嘅日本老婆 Itsu 生嘅 (唔係電影《 The Wolverine 》 (狼人:武士激戰) 裡面嘅日本女人 Mariko ),後來被人收養,由於擁有同父親有相同能力而被人歧視,性格慢慢變得孤僻,最後都變奸仲出手想消滅親生老豆,今集電影極有可能出現呢埸父子大戰。

預告中嘅一幕 (港版預告冇呢一幕)

Logan 同佢係二戰時所認識嘅日本老婆 Itsu 生嘅 Daken

漫畫中父子大戰

Daken 會唔會出現真係要入場睇過先知,下次就同大家介紹 漫畫《 Wolverine: Old Man Logan 》。

艾力

幪面超人頭號粉絲,玩具figure 無一不歡,極喜歡玩潛入式遊戲。怎吃也不胖,只因最喜歡「食字」﹗人生座右銘是「自作樂,很快樂」。

追蹤

更多文章