芒亨迷必玩!新世代MonsterHunter World!

久候左7年,只要等多1年我就可以玩番真正既MH!!
想當年最後一隻玩既MHP3rd,仲記得當日打尾槌打雷狼既感動。
可惜Capcom諗唔開,轉去出係畫質極差兼3D多餘既3DS之上 _(:3_)_

講番隻GAME,想當日我地仲係度慢慢挖材料,挖緊又驚比怪打,仲有最乞人憎既係蚊啊!!
今日見到宣傳片揮一揮手就執到野,咁先係為玩家而設,咁先叫進步,3DS個D咩禁實就自動挖真係施捨比狗。

當年PSP 玩最重要係咩?唔係免費Download隻ISO 就玩得,快過LOAD碟真係好重要,加埋DATA INSTALL簡直可以指住買碟個D傻仔黎笑仲係度慢慢LOAD。PSP 最重要既係可以開老金,大佬啊D捕獲任射多兩槍隻怪死左我就FAIL任,打左十幾二十分鐘咁就無,係連道具都蝕埋啊!!!依家新版World 可以係小地圖睇到大怪既血量,仲好似 Biohazard咁顯示頻血未,又簡單易睇,紅血就捉得幾方便!Capcom都知大家開老金為乜!抵讚!

再講就係動作流暢,大槌個下連續前空翻簡單目不暇給,想當年仲係 三角三角三角 慢慢扑,又慢又危險,蛇龍都搞掂你啦仲講咩做獵人? 依家個大改進幾好,好明顯所有動作都流暢哂,學下God of Wars 都知打大怪邊可能慢慢行? 你無咁大力拎個槌就番去拎片手劍,要生存就係咁簡單。最On9 就係以為食肉食藥硬直大到傻都算,仲要舉起手好似飲完奧樂密C 咁精神,依家咁樣可以一路行一路食仲可以中途CUT先合邏輯,你玩住手機GAME都可以睇紅綠燈過馬路啦,食食下停有咩好嘈?

最令我覺得讚嘆係可以用飛索,你諗下森丘6區或者雪山爬上去,浪費幾多人生啊? 你有火藥有飛船,學飛虎隊放飛索竟然等到2018年先有? 不過遲到好過無到!我拎得起成百斤重既槌,夠力好似泰山咁飛都好合理,由其是今次MHWorld地圖大咁多仲慢慢爬真係狗也不屌。仲有你睇下火龍同隻暴龍打,唔識飛黎飛去爬上去點埋身?學下進步啦老鬼…

有樣野令到我比10個讚,就係地圖終於有變化,唔再只係限制玩家移動既範圍。一個瀑布沖火龍落激流爽爆,仲可以用樹藤綁暴龍,仲公佈會有d 巨型石頭掛住係頂比你當陷阱壓落怪度!獵人就係應該用智慧黎取勝,打機最靠智慧係咩職業? 法師!激流、落石、綑綁就好似玩法師咁,寫實D就好似狐忍咁,試想像刀都未拔已經可以打到條龍慘叫係幾爽?? 以前最多就卡下角龍插牆,今集終於可以咩場地咩環境都可以恰D龍啦!

芒亨最重要個樣野係同FD 一齊打,今集只要一支穿雲箭,千軍萬馬來相見!即使每個世界係分開,但只要係同地圖附近區域既玩家都會收到訊號有人求助,大家可以立即飛去幫忙,堅係飛唔係講笑,有條疑似小飛龍既生物會帶你飛過去,區都唔駛過,條龍仲可以當回家玉!當年PSP 老金另一樣野就係無限ITEM,包括回家玉,唔係比自己用係比唔開老金既朋友用,少血你就死番屋企回血等我打啦,哥就是強!今集各種慳資源方便!

MH 大家最驚係咩? 係同MAP有兩隻怪,好似打角龍鎧龍一定係用角輕鬆同爽,貫都貫鬼死佢,但拎住貫弓又點打鐮蟹盾蟹? 打蟹一定用番長槍或者槌屈爆佢個殼!每次同MAP 兩怪就覺得難同煩,今次可以番屋企換裝簡直係懶人福音,搞掂一隻再番去換裝,輕輕鬆鬆又打完一場,享受又係打機,打機要咁難為乜?番工同做人仲唔夠難咩?

廢話少講,PSN出預訂我一定訂,有豪華版諗都唔駛諗!
即使PS4 鎖30FPS 又點,順咪得囉,以前一亂入或者多隻怪都可以LAGLAG地咁好咩?
3DS 啊SWITCH啊有60FPS咩???
PC版唔鎖FPS啊,但PC打MH 根本就唔係正道,唔駛諗一定係PS4 玩!
XBOX就算啦,得啖笑,你身邊有幾多個Friend咁有錢買xbox啊?

Monster Hunter World Gameplay

速報!真PS4 高清實機畫面!
打怪真係出傷害數字啊!大劍動作依舊?
獵人騎住MHFO 既小飛龍到達地圖營地!食肉唔再豪氣!
出現MHFO吞龍模組既巨型蜥蝪!….可惜慘被暴龍SM
斬落個頭度完全無打擊感…擋個下後退又係

VJGamer 遊戲殿貼上了 2017年6月20日

真屠龍士

因MH WORLD而燃起來的獵人 非Playstation MH不玩,MHFO呃錢不玩

追蹤

更多文章