VJGamer 仝人等都頸都長埋既《巨影都市》今朝終於捨得出片，相信大家都 J 咗 (未既自己撳下面個 Play制啦)。係長達 4分鐘既片段入面除咗見到一眾公布咗既巨影係乜春之外，最重要既就係真正透露咗遊戲既內容實際係玩乜，睇完真係越黎越期待！！
基本上同《絶体絶命都市》一樣，都係係城市當中會面臨各式各樣既災難，不過今次就唔係咩天災，而係各種「巨影」所做成既災難。咁玩家們就係扮演係呢個死人冧樓狀態下逃命既普通人一個，除咗要避開啲巨影對腳唔好比佢踩死之外，仲要面對救唔救人、爛橋、爆炸等等災害，相信玩開《絶体絶命都市》既玩家一定有 Feel！
原來日本都興有事係拍片先……
有唔同選擇會影響之後既劇情
影片所見除咗要面對「巨影」所引發既災難之外，似乎仲加入咗趁火打劫既壞人！加上《絶体絶命都市》每集必備既搵衫換、收集合成道具等等要素相信都會係《巨影都市》出現 (睇最尾特典都估到啦……)。
疑似壞人刮緊主角們……
暫時公開咗真面目既「巨影」
出完「巨影」就梗係到主角群啦
早期購入特典：《絶体絶命都市》人物外裝
DL 版特典 Toro 貓：佢地會幫玩家易啲通過本體入面個小遊戲，同埋送服裝
《巨影都市》正式發售日期 2017年10月19日，對應遊戲平台 PlayStation 4，希望今次唔好又出咩意外啦……我想打機咋 :(。
回帶相關文章：
【巨影都市】絕體絕命都市班底 PS4 新作・超人、哥斯拉、EVA 參戰！唔通仲有Gundam？
VJGamer總編，細細個已經蒲機舖，機齡甚深，熱愛電玩文化。