當依篇稿出既時候，相信訂左既朋友已經日煲夜煲隻Game啦。不過當無論係打遍天下無敵手既高手高高手定係輸到個制都丢埋既初心者，都希望抽下時間㩒入黎睇下，又或者有所得著。

依篇野主要係為未打過Extreme VS系列同打VS系列心灰意冷既高達Fans而設，目的係為大家認識同享受對戰過程，久而久之提升玩家人數同水準。

為左方便閲讀，以下文章將會以point form 形式講解。

1 切勿一味靠賴

即使你之前點打遍天下無敵手同乜都未打過既新手，都要記住依隻Game 係四個人打既Game，輸贏未必關自己隊友事，可能係真係對面打得勁。 但由於高達依隻Game同其他fps game一樣，每個視點唔同，往往以自己角度去判斷對與錯，所以好易出現誤判，玩完一鋪之後好多時隊友間就互相指責。

2 切忌心浮氣燥，時刻謹記良性討論

間唔中互相問候可增長感情既，但係就唔好變本加厲係又話唔係又話。Part住個隊友真係渣少少都唔知你邊句先係真，越打越燥底仲可能越打越差添。 有意見想俾自己partner話知既係要留意自己既語氣同對方既反應，重要係俾對方知道提出個意見既真正目的唔係執著之前既輸贏，而係想對方有所進步。 遇到相方各持一詞既情況今集仲可以睇番Replay作賽後檢討，咁就唔會口同鼻抝啦。

3 善用Replay功能，除長補短

啱啱提及Replay功能，睇Replay除左硏究自己果邊有乜問題之外，亦可能會發現對方有值得學習既走位同秘技。 不停對戰累積經驗固然重要，但如果間中停一停諗一諗效果更佳。

4 集Lock，L走位

高達VS 系列不經不覺已經出左十六年，雖然今集同第一集比可以話面目全非，但係基本戰術同概念係出左禁多集都冇乜大改變。

首先解釋乜野叫L位先（日本果邊叫十字炮火），L位意思係自己同隊友鎖定同一個目標，以敵人為中心作夾擊。如果從俯視角度將三部機連成一線的話形成一個L字的話，依個就叫L位。

最理想既情況，長期單方面L，如果自己partner守得住，對方會易D中槍

L緊對方，對方都L緊我Partner(只係對方知我圍緊佢轉一轉lock望下我做乜）

明顯L緊我partner ，lock都冇lock我

由於高達依隻Game唔似其他第一身/第三身既遊戲可以唔鎖定目標自由控制方向移動，而係鎖定一個目標為主作出相對性既移動動作。 由於受依個鎖定目標既遊戲限制，當雙方 1on1 既時候，1on1 主動防守只要唔俾埋身出格鬥同俾人捉落地，向左走向右走已經可以避開大部份正面而來既射撃攻勢，仲可以進行防守反擊添。 聽落防守既一面好有利，但係記住依隻係一隻兩個打兩個既對戰Game，場上係仲有隊友既。 上面講左係所謂回避動作只係以一個目標相對性，只要以L位進攻，就會出現避得一個避唔到第二個既情況。

聽到依道，L位好似好L無敵咁，但唔好唔記得你L人地果陣，人地都可以L你/你隊友。所以除左L人之外，仲要留意唔好俾人L啦。

總結，玩依隻Game除左練同了解每部機既進攻手段外，唔好忘記依個系列最基本既L陣法。 待續⋯⋯

回帶相關文章：

《Gundam Versus》新手上路必備攻略第二回