有 J 開《為美好的世界獻上祝福！》呢套動畫既朋友相信都對呢隻 Game 好有興趣，琴日就正式公布咗今次遊戲 OP。今次原創遊戲主題曲「Million Smile」其實係上次條宣傳 PV 已經比咗啲大家聽，今次叫做比隻相對完整版本比大家聽，同樣係由主唱動畫 1/2 季 OP 既 Machico 擔任，而呢首主題曲亦會收錄係限定版跟隻 CD入面。

遊戲既劇情係全新創作既，玩家將會扮演主角和真。故事設定係和真戴咗隻咀咒戒指，而呢個咀咒令到佢第二日起身果陣成床都係不知名主人既女人底褲……。為咗要將啲底褲物歸原主，需要進行一個叫做「底褲審判」既環節，同唔同既女仔進行辯論黎搵出失主，同時要搵錢去解除呢個咀咒 (解乜春丫…..明明和真咁鐘意)。

不過其實最重要既係作為初回特典將會另外送一隻 8bit Style 既射擊 Game 「Attack of the Destroyer」，有得射菠菜！！

遊戲將於 9月7日正式發售，有 PS4 同 PSVita 版本，暫時只有日文版。