真係喜訊，由 Bungie 開發，全球擁有極多 Fans (包括我地編輯部) 既《Destiny 2》係早前正式宣布會係 11月 29日開放免費試玩，而且個 Save 係正式版亦都一樣用得，都可以算係賣大包！

如果未接觸過《Destiny 2》既玩家可以藉住呢個機會體驗一下遊戲龐大既世界。《Destiny 2》係發生係未來世界，玩家扮演藉由神祕生命星體「旅者」所賦予光之力從而成為不死身既「守護者」，為咗對抗多個外星種族既入侵而奮戰。係呢一 Part 既故事就係對抗以「高爾」為首叫做卡巴既紅色軍團，為咗守衛人類最後既根據地而戰！

故事其實真係唔錯，係衰在出得慢

今次既免費試玩版係包含咗劇情戰役模式，玩家可以探索遊戲最大既地圖歐洲死區同埋土衛六星泰坦兩個地圖，當然多人連線對戰模式都有得玩啦，不過遊戲最重要既模式 Raid 就要正式版先有啦！而呢個免費版係今日已經正式開放，分別係 PS4、Xbox One、PC 都可以免費下載，暫時未知呢個免費版會開放到幾時，即衝啦！

遊戲基本分三職業，各職業再細分為三個副職，真係各自各精彩