老老實實由 Xbox 360 年代開始，Xbox 手制既手感同舒適度都受到大量玩家高度讚賞，反觀 PS4 既手制因為左菇都係擺下面既關係，所以要拗隻手指公過去先撳到相對地係無咁舒服（當然設計美觀程度係 PS手制贏啦）。不過今日週邊大廠 Hori 就會係歐美地區正式推出一隻高度仿 Xbox One 手制並且有 PlayStation 正式授權既無線手制「Onyx」！

今次既「Onyx」手制兩粒菇既排位、L1 L2 R1 R2 按鍵都充滿住濃烈既 Xbox One 手制味，手制背面亦都有做到防滑處理。

另外今次終於係無線手制，採用藍芽連接，唔洗再比條線煩住啦！手制亦都有返埋震動功能，即係話唔會好似之前隻 Hori 制咁輕飄飄無乜 Feel，根據官方資料淨重 249克 （原裝PS4手制重 210克）。

表面做咗啞黑，靚仔

背面亦有做防滑

當然佢亦都有缺點，例如無設置連射制，亦都無內置 Speaker 以及 3.5mm 耳機插孔，對於要用手制插咪既朋友黎講可能就係一個大問題啦。

暫時呢款手制只係於歐洲發售（Amazon 有賣），其他地區暫時未有消息幾時會推出，售價 £44.99，折合大約港幣 $427.25，性價比黎講真正一流！！

回帶相關文章：

【玩物評測】為 PS4 而設既專業手制 Razer Raiju