任天堂真係好犀利，每次當有人開始覺得「Switch 嘅熱潮好似緩和返落黎」嘅時候，就會推出新嘅製品，令全球目光再次集中到佢身上！今朝推出嘅「Nintendo Labo」就再次令人見識到：任記嘅創新意念果然令人佩服！

當好多人成日話「打機淨係坐喺度望住個 Mon」嘅時候，佢就同你推翻呢句說話：邊個話打機只會得一種玩法？而家我就係要你郁，我要你用腦，我要你用雙手去感受，要做配件？想同屋企人、另一半一齊感受玩遊戲機嘅樂趣？無問題，Nintendo Labo，就係要你落手落腳去砌出遊戲要用嘅配件！

Nintendo Labo 分為兩 Set，分別為「Variety Kit」以及「Robot Kit」。兩套包含嘅紙版模組當然唔同，可以比玩家砌出唔同玩法嘅各種配件，我地黎睇下例子：

將 Switch 當成譜面，小小紙版模化身迷你鋼琴！

玩機唔止用手，要用埋腳！整左呢個踏版出黎，玩嘅時候記得小心腳汗（笑）

《FF15》有 VR 釣魚，而家 Switch 有 AR 釣魚！LOL

電單車 Play：兩個手制化身操控桿

玩埋《大人之科學》？連遙控 Play 都玩埋，任記，點到人唔服

Nintendo Labo 套裝入面嘅紙版，全部都係用機械精密計算後切割生產出黎嘅產品，所以大家對於製成品嘅實際操控度可以非常放心！同埋，如果你覺得「吓即係砌卡紙啫，有幾難呀？」嘅話，或者要令你驚喜一下啦！因為唔同組件嘅組裝方法，可以話係由淺入深，例如「Robot Kit」咁甚至要搭線，組裝本身已經係一種遊戲嘅樂趣。

組裝過程絕對唔兒戲

我地編輯部對呢個 Robot Kit 極有興趣

兩套 Nintendo Labo 均於 2018 年 4 月 20日 正式發售，兩套套裝售價分別如下：

如果覺得紙版啡色唔夠吸引，可以另外入入手埋「Decorate Set」：

就算唔買官方 Set，我都預見到黎緊會出現一輪個人化製作風潮

有興趣嘅朋友記得睇定時機去入手啦！
未決定買唔買？睇埋呢段官方介紹，包你心動吖！