《DARK SOULS》黎緊 5 月會推出高清重製版嘅消息，相信令唔少新舊玩家朋友都好雀躍；呢邊廂官方又有新嘢公佈，就係會將遊戲當中難打到嘔嘅「獵龍者翁斯坦」（竜狩りオーンスタイン／Dragon Slayer Ornstein）實體化上市，目前開放預約，預計 2018 年 10月 正式發售！

呢個產品有成 67cm 高，基本上都唔算係 Figure 黎，而係一個雕像；人地擺關公，《DARK SOULS》Fans 可以考慮擺「翁斯坦」LOL！不過造工精緻、仲要咁大隻，「翁斯坦」售價一啲都唔平，盛惠78,300円（税込）！

官方就講到明「翁斯坦」唔會大量生產，如果係海外買家，真係建議你預訂定好啲！