【超偏激世界觀】《三極Justice》手機戰略遊戲・你會如何改寫日本的未來?

《三極Justice(三極ジャスティス)》係由 Cave 會社開發嘅新手機戰略遊戲,所謂「三極」就係講緊三種極端思想主義,分別係「自由意志」「軍國集權」以及「金錢至上」,而三種思想亦正正代表遊戲入面三個勢力。

遊戲個世界觀是咁的:因為日本少子化(無人生仔呀)問題嚴重,一次事件後令國勢衰落;為咗令國家人口增長,可以幫國家「再建榮光」,但係又唔想人生啲垃圾出黎,所以政府開始用工場製造優質人口出黎加以培育。

呢班生產出黎嘅少年同少女有各自嘅信念,佢地為咗捍衛自己嘅「正義」而在日本開始了三方面的內戰;玩家就要選擇投身是但一個勢力,進行戰爭。

支配「絕對的愛國心!來吧!革命的同志」

自由「大家一起創造開心又愉快的日本吧!」

金欲「什麼都可以用金錢購買,你的正義值多少錢?」

雖然係手機遊戲,但係玩法上面做得非常仔細,並唔係一隻輕易能上手嘅遊戲,如果平時無玩開戰略遊戲嘅朋友或者要花多少少心機研究,又要編團、又要組員強化,要睇武器配件之餘又要育成技能,聽落真係有排玩!

我自己就幾期待呢隻《三極 Justice》正式上架嘅日子,官方話 2月尾會正式推出,目前 iOS 平台限定,相信到時日本方面反應會相當唔錯,唔知呢隻遊戲有無移植家用機平台嘅潛力呢?

官方 Trailer 如下:

古拉特

每日徘徊在手機遊戲課金地獄,重度聲優控

追蹤

更多文章