早前同大家提過當年成為網上熱話嘅《夢日記》（詳文見這裡），而呢個遊戲嘅重製版今日正式於 Steam 上面推出，售價定為 1,980円（税込），美金為 19.99，遊戲仲提供大家常用嘅中英日文版本。

上次篇介紹文入面並無公開太多遊戲截圖，或者大家對於當年 Indies 製作嘅《夢日記》喺重製之後，恐怖嘅氛圍會唔會變了味？重製嘅《夢日記》依然由原作者「ききやま氏」全面監修，所以其實我又唔會太擔心！以下係部份遊戲圖片，一於比大家先睹為快。

舊版角色模樣

重製後的模組

黃昏的遊樂場總是有種莫名的恐怖感

少女穿梭現實與夢境的房間

而當年《夢日記》入面嘅小遊戲《NASU》則會改良為《SUPER NASU》，用返當年嘅畫質感覺呈現返比一眾玩家。

比較令我驚喜嘅係：日本另一網上恐怖經典《青鬼》有同《夢日記》做合作企劃！喺遊戲入面仲可以感受到《青鬼》嘅惡夢。

睇完咁多圖片，唔知有無引起你嘅興趣課金呢？
方便各位讀者，購買傳送門已經為大家準備好啦～

【夢日記 STEAM 購買連結傳送門】