《任天堂明星大亂鬥》Nintendo Switch 登場確認!墨魚仔首度參戰!

日前既「Nintendo Direct」壓軸登場作品就係極多玩家等緊既《任天堂明星大亂鬥》相關消息,首先係影片見到將會新增《Splatoon》既墨魚仔同墨魚女,另外大熱既《薩爾達傳說 曠野之息》版本林克都會登場,睇真啲的話後面仲好似有《薩爾達傳說 曠野之息》版本薩爾達公主,當然仲會有咩新角色加入仲要等後續消息發布,不過斷估《Xenoblade 2》主角雷克斯點都應該有得出場掛?

呢堆人大家認到幾多隻?

 

《任天堂明星大亂鬥》雖然係格鬥遊戲但係有別於傳統玩法,遊戲最大支援 4人對戰(Wii U版加到 8人對戰),每次對攻擊命中敵人之後就會增加對方既轟飛值,越高既轟飛值就越容易打到對面飛出畫面外面,只要將對手轟到出去畫面外面就會贏。遊戲睇落簡單但係其實有好多技巧係入面,而且呢隻遊戲多年黎亦都係世界最大型格鬥比賽 EVO 既比賽項目黎,真真正正既電競遊戲黎架!

今年既 EVO 有 2隻大亂鬥添!

暫時未知道今集會係全新作品定係 Wii U移植版(大家都知老任幾環保),淨係知道遊戲現正開發中並且會係今年內發售,並且支援繁體中文,大家去掃定 Amiibo 就差唔多架啦!

About 五木

五木 動漫電玩宅,極愛金田一系列,擅長動作及策略遊戲

Connect

View all Posts