係《Far Cry 5》入面打《CS》 超勁外國玩家完美重製沙漠地圖!

早排推出既《Far Cry 5》叫好叫座,當大家埋頭苦幹地衝緊故事既時候,有無諗過外國玩家其實沉迷緊係遊戲入面另一樣野「Far Cry Arcade」。係呢個模式下,玩家可以利用地圖編輯器自製地圖,而呢位外國玩家 Widdz 就製作咗大家非常熟悉既《CS》地圖「沙漠2」。

呢度門係咪好熟口面呢!

仲有呢個轉角位,駁火駁咗幾多年?

地圖入面仲有彩蛋添

 

整完地圖之後,梗係要試下玩啦!係影片展示下睇到地圖還完度極高,除咗無得買槍同畫面更靚更精細之外,同原版基本上分別不大。如果設定埋武器量無限的話,應該可以玩埋炸彈模式添!

有興趣同朋友一齊玩呢個地圖的話,只要係 PC 版玩家,再係「Far Cry Arcade」入面搜尋「de_dust2」就可以玩到,暫時 PS4 版就仲未有,等下啦。

森麻

VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章