「白金工作室出品必屬良品」，如果我咁講，唔知有無朋友會有反對聲音？（比下面，唔好舉手）

曾經推出多個精彩遊戲例如《Bayonetta》及《Nier: Automata》嘅白金工作室，今日就剛剛宣佈即將會推出一隻以和風水墨風格主打嘅手機動作 Game《World of Demons》，而呢個 Game 亦都係白金繼 2017 年同 Cygames 合作嘅《LOST ORDER》之後，第二隻針對手機平台開發嘅遊戲。

《World of Demons》以古日本為背景，玩家嘅身份係「侍人」，專負責喺時代入面斬妖除魔。講到明係和風遊戲，唔知同《犬神》嘅感覺會唔會少少似？

貌似平安時代、一個充滿「鬼」的世界

男主角「鬼」：父母被鬼殺死，但同時被鬼養大。遊戲部份故事，圍繞佢嘅復仇之路

女主角「夜」：名門小姐，母親被鬼捉走，於是加入男主角嘅隊伍，嘗試搵返母親

……左邊姐姐的話，我可以

遊戲玩法係動作型的，當然仲會有武器及裝備升級的元素，加上白金同時會將遊戲推向海外，所以預計遊戲會至少有日文及英文版；而家開放登錄中，今年 8 月於 iOS 及 Android 上架！

詳細遊玩影片目前就仲未公開，不過對遊戲有興趣嘅朋友，可以參考吓以下呢條官方宣傳影片，或者可以對遊戲氛圍略知一二：

【事前登錄傳送門】

白金工作室相關文章：
【Nier: Automata 感想】
【Bayonetta 2 感想】