【露宿者 Play】想貼地感受老美 Homeless 風情?《Bum Simulator》幫到你!

市面上嘅模擬遊戲類型非常多,由以前做金融大亨,去到近年做山羊嘅都有,可見模擬系列嘅玩法真係……層出不窮吖!建設社會做得多啦,如果今次比你化身做露宿者,貼地感受老美文化,仲擺明車馬比你做無賴市民嘅話,又吸唔吸引到你去玩?

呢隻由「Alleyway Games」開發嘅《Bum Simulator》嘅題材就真係相當突破啦,玩家嘅身份係一個露宿者,而唔係我地玩開嘅咩咩大亨之類!首先要講清楚,我打呢篇文當然係無歧視、無 Bias 的,只不過,有去過美國旅行或者睇過美劇嘅朋友,應該對路上不時出現嘅 Homeless 有啲印象吧?

遊戲唔單止比玩家機會去感受做 Homeless,同時亦都將件事惡搞化,因為既然你都無嘢輸嘅,就不如無賴到尾,搶其他露宿者地盤?可以!搶人地枝煙?可以!人地對你眼睥睥想爆人樽?都可以!

睇下垃圾桶有無嘢可以賣

露宿者必備超市手推車

有人黎趕你,點算?唔緊要,街頭無野多,白鴿最多…

去吧白鴿兵團!去佢塊面度開餐吧!

不過,除咗搞搞震之外,人都要開餐的,咁錢從何來?正路嘅你咪伸手黨囉…

賣身葬父呢啲囉

個膠杯真係畫龍點睛

比較極端嘅方法係……搶!老笠!

永遠唔明點解一間舖頭會將咁貴嘅小提琴擺門口

錢有咩用?除咗生活,都要住嘅,遊戲仲有一個重要元素係「美化家居」……即係咁講。當然啦,平時拾荒 Play 你都有機會執到大量「可能有用」嘅嘢,點樣令自己喺後巷個竇冬暖夏涼,就睇你係咪一個勤力嘅 Homeless 啦!

遊戲 2018 年 10 月 6 日上市,目前 Steam 平台限定,英文為主,暫時未有中文化消息!不過呢啲傻下傻下嘅遊戲,無咩劇情要睇,就算無中文都唔驚吖!

Steam 傳送門

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章