【最終章】《閃之軌跡 4》9 月 27 日發售・碧軌&空軌主角出返哂黎!

令唔少 Fans 等到頸都斷嘅《閃之軌跡 4》正式發售日終於有了定案!2018 年 9 月 27 日將會是《閃》系列最終章上市的日子,日版即日開始網上預購,而《閃 1&2》亦已經在 PS4 上推出了繁體中文版,並預告《3&4》的中文化已經在進行當中。

好多朋友反映話「我知《閃》係好玩呀,但係睇唔明日文」,而家唔驚啦,1~4 集都會有中文版嘅話,未入坑嘅朋友不妨而家玩咗頭兩集先啦!

《閃4》全名為《英雄伝説 閃の軌跡IV –THE END OF SAGA-》,今次分為「普通版」及「永久保存版」兩個版本;「永久版」入面嘅內容應該會好得 Fans 歡心,因為會包括埋《閃1~3》嘅未剪輯劇本!

不過相比起特典,相信大家同我一樣更加在意係《閃4》嘅內容,因為玩到《閃3》嘅朋友應該察覺到遊戲中不斷解開緊《軌跡》系列以來大量伏線以、劇情中仲見到量前作角色,而遊戲結尾亦見到《碧軌》主角 Lloyd 及 Elie 嘅身影;按照官方今日公佈嘅資料,無錯!《閃4》大家唔止會見到《碧軌》中嘅角色……

最令我(或者係大家)興奮同期待嘅,似乎《閃4》仲會見得返《空軌》嘅主角!

見到佢嘅身影我真係尖叫咗出聲!《軌跡》系列入面,我一向最鍾意《空軌》一集,當年呃咗我幾多眼淚呀~~(拭淚)如果《閃4》可以用得返佢地我真係會開心到跳起(笑)

目前官方公佈了詳細資料的角色如下:

不過,雖然公佈咗正式發售日,遊戲目前就仲未釋出任何遊玩影片;但係相信《閃4》喺今年嘅東京遊戲展上面一定會大佔鋒頭呢!

再次講一句:我真係熱切期待《閃4》嘅到來!

About 神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

Connect

Connect on Facebook View all Posts