【E3 2018】《火焰紋章》全新系列作《風花雪月》2019 年春天 Switch 登場

 

《火焰紋章》終於推出全新續作,全名為《火焰紋章 風花雪月(ファイアーエムブレム 風花雪月)》,係繼 2007 年 Wii 平台《暁の女神》之後相隔 12 年後再次於家用家上推出嘅新作品。

 

 

今集遊戲舞台係名為「Fodla(フォドラ)」嘅大地,呢片土地嘅人都信仰「セイロス教」呢種女神信仰。遊戲片段中「女神」出現咗好多次,目前未知佢喺遊戲中擔任咩嘢角色同身份?

 

 

今集共有三位主角,人設睇落好似倉花千夏老師嘅畫風!玩家可以操控角色隨意同其他人進行交流或者互動,唔知會唔會有好感度問題(笑)

 

 

遊戲用戰略(戰棋)模式;角色有分唔同職業,相信技能都會因此有唔同變化。片段中亦見到主角率領成隊兵玩隊型嘅攻略法,似乎喺戰鬥系統方面落足心機噃!

 

 

呢個遊戲將會係我大期待作品之一!遊戲最新影片如下:

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章