雖然由動畫或漫畫改篇嘅遊戲一向都風評麻麻……
又雖然《東京喰種：re 》相比第一代《東京喰種》動畫嘅評價同熱潮又真係相差幾遠……
不過，商機就係商機，Bandai 或者就係睇中咗各位喰種角色擁有多樣嘅赫子武器變化，剛剛宣佈 2018 年冬天將會推出全新動作求生遊戲《東京喰種：re 【CALL to EXIST】》，目前計劃 PS4 平台獨佔，可以線上連機同朋友打餐飽。
遊戲入面，玩家可以揀成為「喰種」或者對抗喰種嘅「搜查官」，隨住角色唔同，使用嘅武器同劇情都會有所變化。遊戲支援線上多人模式，玩家仲可以約埋朋友對戰挑戰友誼添。
遊戲裡面亦有唔少過場動畫，相信對於 Fans 黎講呢個 Game 絕對係唔錯嘅 Fans Service；不過佢並唔係 RPG，佢係一隻第三人身嘅 3D 動作遊戲黎架啫，唔知又會唔會吸引到你課金一戰呢？
遊戲消息太新鮮熱辣，目前連 Gameplay Trailer 都未有。有最新消息再同大家跟進啦～
中二病廢中，打機會自己講野自己笑，鍾意睇機械人動畫，貓世一。