昨日，我公司同事行過模型舖，見到話 SD Gundam 出左個新系列叫CROSS SILHOUETTE(CS)，就係呢條片嗰盒。仲話好多人買喎。

哈~我當場嚇一跳，然後就得啖笑。依家呢個世代，居然仲有人覺得 SD Gundam 好玩，仲要說我玩，啫係分明水我搵我笨啫！我就唔信片嘅，係要說我玩就直接買盒返嚟比我試，呢啲就叫踼人落坑啦！

結果今日我枱面有盒咁嘅野……一盒有兩套骨架，不過只係可以砌到一隻 RX-78-2

組件分色就都係咁上下

貼紙真係咁多年都係嗰啲….

所講嘅最大不同之處就係多左骨架，左邊係 SD Frame，右邊就係重點嘅 CS Frame。

可能真係耐冇接觸 SD Gundam，啲水口徒手”啪”都得(當然拎返鉗剪好啲啦)

15分鐘後…….我同事佢話用兩個骨架嚟比較下……

兩隻都係素組，左邊係我砌嘅 SD Frame 版本，右邊同事嘅 CS Frame 版本，就咁睇 CS 高 SD 半個頭有多(唔知點解佢條腰會前後倒轉左XD)

經典動作冇乜問題啊！

抱拳簡單啦！

出拳都冇難度

同事話係二字鉗羊馬，我真係唔覺有咩分別

爆氣

跳起YEAH！

CS 佢天生腳長啲喎！

大鑊，隻手唔夠長，遮唔到面….

扭腳？十字步都得？！

背槍都得？！

盤腿打坐都得！

同事：「師兄，你偷雞喎…..」

總結

CS 骨架的確 CP 值完勝已往嘅 SD Gundam，而且高過 LBX 系列模型。活動性同關節穩定性都係物超所值。以市面上依家賣緊嘅價錢，就算好似原本只係跟 SD 骨架嘅 Crossbone Gundam X1 ，加多少少錢買合淨 CS 骨架玩，價錢同埋有嘅組件同雙骨架嘅 RX-78-2 一樣。第一波發售中嘅 RX-78-2、Crossbone Gundam X1 同 Nightingale夜鶯，如果唔啱心水可以考慮等 7 月發售嘅 Zaku II 或者 8 月發售嘅 Zeta Gundam。

反正呢個坑唔算好深，買隻試下咪當小玩怡情囉。