有玩開《FFXIV》嘅朋友最近應該忙完打雄火龍，因為遊戲同《MHW》嘅聯乘活動已經於 8 月 2 日開始左！我身邊嘅朋友正在為刷料換裝而努力中。
日本有位熱愛《FFXIV》嘅玩家「スンサン@Ramuh」，佢…喺遊戲中嘅自訂造型一向引起唔少玩家注意，咁原本都無乜野，Avatar 嘅野一向都係按個人喜好架啦！不過，當佢開始玩《MHW》活動之後，就喺 Twitter 上面分享左件趣事。
劇情一開始，艾露貓為左尋找出色嘅獵人，遇上玩家……
「找到看上去很強的獵人了喵！」
咁如果玩家只係平凡人造型嘅話，以下呢一幕應該就好詩情畫意嘅；之但係，我地呢位網友嘅造型，係咁：
…………
然後艾露貓下一秒嘅表情，係咁：
「…………」
睇到呢一度，我真係不禁要佩服玩家 cap 圖 cap 得真係好 LOL！其實好多時識得玩，遊戲截圖都可以自製一番 Kuso 趣味，咁當然呢一幕之後，玩家都同隊友一齊乖乖地去打雄火龍刷料啦。
— スンサン@Ramuh (@mizuha1218) August 8, 2018
不過喺《FFXIV》活動入面，雄火龍就無得斷尾的，正常技術嘅玩家匿喺佢腳底打應該就可以無事通關，不過限時十分鐘一場都仲係有一定難度……唔知呢度又有幾多朋友衝緊呢個 Event？加油刷料呀各位！
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。