一晚之後，網上已經出現大量諷刺暴雪嘅改圖，如上。

相信大家都知道香港選手聰哥比暴雪除名兼沒收獎金一事（新聞連結按這裡），呢件事發生之後，唔好以為淨係得香港玩家嬲、台灣玩家睇唔起，由於呢件事於全球都有廣泛報導，導致全球唔同地方都暴雪炎上中。

我地編輯部中，有成員係多年《WOW》玩家，此事一出，大家已經好有共識咁將所有遊戲資料刪除；而我地認識好多《Overwatch》玩家，亦都決定永遠離開呢個遊戲了。好多朋友都不解，點解暴雪咁大間公司，都要向中國跪？

NBA 係清泉黎，有呢份骨氣唔係間間公司得架。我地先黎講下商業問題。暴雪截至 2017 年為止，中國騰訊佔有其公司股份嘅  4.9％，據說當時騰訊直情想收購暴雪，不過傾唔掂數；又，題外話，有中國騰訊入股嘅遊戲公司，仲有 Ubisoft，而喺中國方面嘅報導，仲不時見到有媒體形容騰訊為救世主，到處打救經營有問題嘅遊戲公司。

將騰訊視為遊戲界救世主（金主）嘅中國媒體

今次聰哥衰乜？暴雪搵條例出黎話「佢損害我地公司形象」，但係說穿了就係因為「中國主權不容動搖」，所以話不用那麼多，暴雪一句到尾，已臣服「偉大的」中國（the “GREAT” China）之下，聰哥當然被割得就割、推得就推。

但係呢件事公開以後，外國玩家都頗為團結地，杯葛暴雪起來了。美國有大量玩家要求暴雪將所有已購買遊戲退錢，其中有一個原因，如下：

圖@FlagOfUlysses

曾任職暴雪公關部門嘅加拿大籍員工 Kevin Hovdestad 則於  Twitter 上面表示，暴雪內部好多人都唔認同今次嘅決定，亦有好多高層係事情發生之後，先至「被通知」公司嘅決定。同場加映，暴雪內部員工而家極度不滿，有同事仲將公司嘅「核心價值」用紙貼住，表明「公司核心再無價值」。

Not everyone at Blizzard agrees with what happened.

Both the “Think Globally” and “Every Voice Matters” values have been covered up by incensed employees this morning. pic.twitter.com/I7nAYUes6Q

— Kevin Hovdestad (@lackofrealism) October 8, 2019

作為香港人，暴雪今次呢個行動，其實係有正面助力的。好多外國玩家，本身對香港而家嘅活動無感，但係暴雪一跪，玩家們都了解到中共嘅暴力政權已經唔係影響緊香港咁簡單，而係全國而多樣化嘅影響。暴雪玩家們而家發起緊支援香港嘅遊行，以及進行對暴雪所有作品嘅全面抵制， Hashtag 為 #BoycottBlizzard，各位朋友可以留意下。

網上改圖都頗為精彩，例如係喺 Reddit 上面流傳嘅呢一啲：

另外，香港職業電競隊 HKA 早前出戰 LOL 國際比賽獲勝，但係唔單止佢地「Hong Kong」呢個名字比官方遮蓋，官方討論區更加進行高度言論控制，既將所有「敏感字眼」包括「Hong Kong」，都會隨時被 Admin 移除留言。

於是，HKA 最近作賽嘅 Twitch 直播上面，留言區都變得非常熱鬧……：

你仲可唔可以講話打機唔關政治事？

最後，我想以佛羅里達州參議員嘅帖文作結：「大家知唔知而家發生咩事？就算你唔係住喺中國，你都會有機會面對自我審查或者被離職／撤收權利。中國完美示範利用入主各大市場去進一步控制言論自由呀！」

Recognize what’s happening here. People who don’t live in #China must either self censor or face dismissal & suspensions. China using access to market as leverage to crush free speech globally. Implications of this will be felt long after everyone in U.S. politics today is gone. //t.co/Cx3tkWc7r6

— Marco Rubio (@marcorubio) October 8, 2019

多謝暴雪，We connect 了，今次 Connect 層面去到美國嘅 Gamers。

相關報導：
【電競新聞】「光復香港 時代革命」成暴雪禁語 港《爐石》大師被除名