Steam 上評價及銷售量都極佳的和風恐怖遊戲《影之迴廊 Shadow Corridor》正式推出 NS 及 PS4 版，當中 NS 版已率先於 2021 年 8 月 5 日於 Nintendo e-Shop 上架，定價 HKD 129；而 PS4 版數位版上架日期則待定。兩個版本均對應繁體中文。

《影之迴廊 Shadow Corridor》於 2019 年 3 月 8 日率先於 PC Steam 平台上架，幾乎由一人獨力開發，為一隻充滿日式傳統風格嘅恐怖獨立遊戲（報導按此）。

遊戲以 Unreal Engine 4 開發，玩家需要逃離迷宮，同時要躲避一班戴住「能面」嘅怪物；而迷宮嘅路線為隨機生成，因此每次重新開 Game 都會唔同，並唔存在「攻略」或者「記住地圖」等等選項，為一隻極為耐玩嘅求生遊戲。是次繁中版本更加入初學者模式、迷你地圖以及道具光源效果，希望幫助新玩家上手遊戲。

遊戲即日起已上架 NS e-Shop，PS4 版數位版發售日期有待公佈，兩者都對應繁體中文。