必買!激多野玩!爛尾飲恨的《Final Fantasy XV》

是咁的,作為VJGamer入面產量最低既我,
原本諗住第一日就出Game Review,
但愈玩愈覺得根本未了解隻Game唔想斷章取義,
所以證明真係好好玩 (依個論證係亂黎的)。

由戰鬥、畫面、故事、亂入劇情、生態、世界觀…都係一流!
15419637_10154214367582993_8352814206951656927_o

首先就講左隻Game有咩唔掂先,
初期大家都一定係覺得:
隻Game 真係好Gay!
隻Game 真係好Gay!
隻Game 真係好Gay!

中段大家都覺得:
隻Game 勁少女角!
隻Game 勁少女角!

爆埋機既感想係:
最重要係個故事大綱有係度…但遊戲係根本未完成就推出…

遊戲由頭到尾都係4個男人,
部分任務期間可能會加入其他角色(4+1 而唔係換走1個),
而首個有人加入都係男人!!!
(之後都會有女角)

-升Lv ULTRA GAY-

升LV先係最過份,要同男人訓覺,
互相交流過先可以升LV,究竟係點樣灌輸D經驗入體內升LV!?!?
INTRO已經叫你去MOTEL,喂大佬…咩事..
比1萬蚊仲有2倍經? 水床? 鏡房啊?

而遊戲中女角前半段唔計路人甲乙有唔超過5個女性!
男NPC就排山倒海…媽啊…你攻腐女市場都唔好去咁盡啊..

-初期揸車係地獄-

遊戲初期揸車就真係最世界級煎熬,除左只要係日頭就可以AUTO 比10蚊仲可以FAST TRAVEL,
日頭唔比10蚊都可以欣賞風景!!好靚!
夜晚咁黑你話會遇怪所以要人手揸都算,架車慢到好似坐巴士咁,
所謂自駕遊係禁實R2踩油自動導航,咁大個平原係隔離你淨係比我係公路上面揸。

(事實係夠LV 夜晚都可以Fast Travel,執配件架車起碼快3倍,爆埋機仲識飛…)

-FF戰鬥系統上大突破-

吹奏正式開始!戰鬥方面絕對係家用機上既突破,
集合《Crisis Core:Final Fantasy VII 》+《Dissidia Final Fantasy》,成為首隻真ARPG 既家用版FF!
FF7CC Zack 既慘劇令人噴淚,而戰鬥系統亦令人耳目一新,不過往後既FF 都未有採用番依個系統,多年後既今日配合新世代家用機既機能,成功造就今日無邊界即時戰鬥ARPG 系統。
而動作方面經歷多年DISSIDIA 既經驗,各種瞬閃斬擊,出技都極度華麗,
瞬閃一刻令人期待玩家可以即時打出 “八刀一閃” 而唔係揀完招等睇出招動畫!

而怪物方面玩左20個鐘都尚未出現”重覆command”既問題,今時今日既遊戲最忌玩到一半開始不斷重覆一組動作就過關,即時戰鬥上怪物AI 做得唔錯,怪物之間會互配合,增加挑戰性,尤其係小怪一群唔會比一隻大怪輕鬆好多。

-特效交足貨-

我用PS4 同BenQ XL2420G專業電競螢幕黎玩,FFXV簡直係PS4多年以黎畫面最正既遊戲
由一開始Intro 段動畫,疑似伊弗烈特火焰特效,(隻Game出咁耐唔係嘈劇透啊?)
皇宮建築既細緻,男人推車既繞臀等等….到大平原既色調,車擋風玻璃對天既反影,角色衣服既材質,一眼就會分到皮革定絲絨,天氣變化,落雨既水滴到車上同服既質感,連食物都做到好似餐廳Display全部好細膩!!

附PS4 Pro畫質比較

-支線極多-

遊戲既支線太豐富,淨係解支線都玩左幾十個鐘!
不過最大問題係支線同主線都同個世界觀太無關係..令人完全無咩興趣去理個國家比人入侵!
連最多血99LV 500萬血 超巨龜都係支線任既其中一個!
淨係打佢都用左成個鐘…

-生態無得頂-

揸揸下車dup brake 心諗做咩,原來動物大遷徙!!
十幾隻怪係我面前跑過馬路,等佢地跑完我即刻落車斬死哂佢地。。。
遊車河期間真係感受到野生生態,而入夜之後突入既鐵巨人會同原本既怪物/帝國兵戰鬥,令遊戲係策略上出現更多變化!

帝國軍女將:

-遊戲多元化-

除左打打殺殺之外,玩家仲可以去釣魚/賽陸行鳥,釣魚真係用左我最多時間!
但我又唔覺得悶,釣魚系統雖然唔係做得特別新穎,但除左極刺激隨時斷魚絲之外,最重要係釣上黎你係會有種滿足感。
其中一個重要元素係條魚好真實,好似真咁!而魚王等等King Size級既魚仲有特別動畫,可能成隊男人落水抱起佢!
每一個位置都感受到幾用心去製作!

-動畫製作細膩-

好多時遊戲都會出現INTRO/Trailer 靚到嘩一聲,入到in Game就媽媽聲….
不過FF15 依個位真係有讚無彈,由怪物出場動畫到召喚獸降臨畫面都極度細膩高質!
絕對唔係到某個位就播片,而係real time形式出現,畫面會依照你所在地方同打既怪而改變,唔會去到邊有出召喚獸就播同一片段!!

 

-連杯面廣告都好好玩-

你有冇試過望住一個廣告係會笑出黎,有無試過見一個超Hard Sell廣告但一D都無反感?
FFXV 就做到啦,CUP NOODLE既瘋狂植入式強行推銷,過份到唔止有賣杯面NPC仲有杯面任!!

去到爆機…已經不知不覺打左百幾個鐘仲上埋91Lv
實際其實50Lv已經可以輕鬆爆機



-可惜大爛尾-

爛尾係遊戲爛?遊戲性我比100分,但故事後半連合格都稱唔上!
後半由過海個一刻開始計:
你將水都畫到成個威尼斯咁,鬼死咁大又鬼死咁靚(不過可能著重左環境令到人物細緻度明顯下降),
竟然比我行得少少地方,如果主線直行唔駛1個鐘個水都就比利維坦收皮…
故事仲要主角搞咁多野搵女主角Luna,你唔駛一個鐘將女主角都殺埋,城又爛埋….
我唔信你咁辛苦畫個城出黎想1個鐘就無左!!

個城收左皮之後同d市民搭火車逃亡啦,
我唔明架火車點解會無啦啦停低比你執祖先把劍之後等你番黎先開車,一開車又比人襲擊…
你趕時間都唔好咁出面啊,之後每到一個站行兩步就行完,
你畫個Map出黎又畫埋遠景你竟然要黎行兩步,係咪預算太高又唔想做野姐..
“假潛入”水晶塔個度直情令人嬲,我當你學刺客玩潛入….但點解你又比我用戒指去秒殺D士兵,
我6000幾血隻士兵斬我先300???最後究竟有邊個真係潛入過?
成座塔又悶又冗長,行左成個鐘有多先去到終點,一點點緊張刺激都無…

之後一出番黎就10年後,世界變哂依個位我ok,唔好話主角,連我都唔知個世界做乜_既感覺做得好好!
但4兄弟10年無見,冷淡到我唔明係兄弟情太深,定係3條友都心諗”你條粉腸終於出黎啦?”
拍拍膊頭就去打最終Boss,伊弗烈特點樣霸左個皇城,依10年究竟發生咩事我當你等DLC黎講解番..
但最強召喚獸 巴哈姆特!飛刀全MISS!一刀不中伊弗烈特!!!!!
baha

最後既結婚畫面直情係畫蛇添足,明明成個故事應該失落地完結,
你走去比個偽HAPPY ENDING黎,當我乞兒可憐我咩…
我寧願佢簡單直接地完,好過你補多刀,話我知依樣野只有幻想先會出現
其實我最鐘意都係Iris…

總結

評分我會比 95/100
值唔值得買? 一定值
佢既系統,畫質,細膩,可玩性,多元化係未有Game挑戰到
如果係畫質派,我諗依一兩年都唔會有Game可以挑戰到FFXV
如果係遊戲性行先,ARPG除左鏡頭可以做好D都已經無咩挑剔,可以玩既野太多

好多人開頭不滿既Hunt任一次接一個斬兩刀就load番城,其實就好似Monster Hunter咁,
下位任無人想打,上位就充滿挑戰性!

唯一缺憾真係故事…完得太求其…不過無野係完美既….

Picture

Avatar 你比個VIEW我就有飯開

追蹤

Facebook 更多文章