EA 重手打擊玩家偷步直播《Anthem》 遊戲庫慘被清空

EA 明年重點大作《Anthem》係早幾日正式開啟咗 Alpha Test,香港亦都係其中一個被選中既地方,幸運既玩家應該會收到 Email 參加今次測試(我唔中!)。不過如果閣下有順手做直播的話就要留意啦,因為外國有位玩家就因為偷步直播後被 EA 重手懲罰!

 

《Antem》係 EA 明年登場既重點大作,玩家可以四人合作,身穿各種類型裝甲戰鬥,亦都有豐富既空中戰鬥。不過一直以黎只得官方公開既片段,實際連機遊玩感覺係點大家都唔知,所以今次 Alpha Test 實在係令人非相期待。

 

 

而根據外媒 Gearnuke 報導,有位玩家就係 Twitch 上面直播《Antem》Alpha Test,當時遊戲都未入到去可遊玩地區,純粹係「Connect to Online Service」階段,然後已經極速被 EA 相關人員撳咗啲唔知咩制,令到呢位玩家既《Anthem》程式出現「Crash」狀態。當呢位玩家見到程式「Crash」後,立即嘗試用「工作管理員」強制關閉 Origin,不過始終唔夠 EA 快手,再開返 Origin 既時後,整個遊戲庫已經被清空,當然包括《Anthem》在內啦!

 

 

之後《Anthem》製作人 Mark Darrah 係 Twitter 上面出咗個 Tweet,警告各位討論 Alpha Test 既玩家們,即使係討論本身已經違反咗保密協議(NDA),而一般黎講相信各位開 Game 時都無乜點留意果份水蛇春咁長既協議,大家都係快手拉到落底同意咗佢就算。不過今次既 Alpha Test 所有內容都係保密的,不論禁止玩家係社交媒體上面發圖、發文、直播等等都係唔容許的,所以如果閣下參加咗今次 Test 又做過上面幾樣野既,快手刪除可能仲有得救。

 

 

雖然而家無相關遊戲內容睇,不過其實一般玩家都唔洗等太耐,遊戲將於 2019 年 2 月 22 日,對應平台為 PS4、Xbox One、PC。

五木

動漫電玩宅,極愛金田一系列,擅長動作及策略遊戲

追蹤

更多文章