【遊戲評測】超細緻畫面重現神作拍照模式好歡樂

小島秀夫2019年大作《Death Stranding（死亡擱淺）》真係上年嘅必玩之作，加上而家疫症肆虐，home office 成日叫外賣，玩呢隻 game 真係別有一番風味，體驗傳說速遞員 Sam 嘅送貨人生。想重溫神作又或者未玩過嘅朋友機會黎啦，PC 版係上星期正式推出，未玩過就可以 click 呢度睇下我之前 PS4 版嘅評測，今次同大家介紹下 PC 版有咩新原素啦~

畫質再次升級
PC 版加入NVIDIA RTX 嘅 DLSS2.0 技術，使用 AI 提升遊戲幀數及增強畫面表現，可以係較低解析度下模擬出高解析度嘅畫面。簡單黎講就係如果玩家用 2K 畫質，系統就會模擬 1080p 畫面，而且保持流暢嘅幀數，更支援超寬螢幕，令整隻遊戲更富電影感!

拍照模式多歡樂
《Death Stranding（死亡擱淺）》遊戲世界龐大，山水風景一流，最啱影相! 今次 PC版加入拍照模式，SAM 同 BB 嘅動作表情都可以一一調教，濾鏡、光圈及景深通通有一得設定!

多項選擇可以設定

Sam 嘅表情、眼神、動作都可以設定，仲可以 set 望鏡頭~

BB都一樣可以

仲有唔同濾鏡、框邊以及加 logo

Crossover 《 Half-Life 》
PC版今次會同《 Half-Life 》crossover，新增6 個額外任務及特殊獎勵裝備，其中包括《 Half-Life 》主角 Golden Freeman 所配戴嘅粗框眼鏡、車輛特殊塗裝，以及 VR 作品《Half-Life: Alyx》中嘅「重力手套」，令到 Sam 可以將物體隔空吸到手。