【遊戲新聞】一致好評歡樂射擊 《Deep Rock Galactic》四人合作地底挖礦打怪獸

喺 Steam 上得到壓倒性好評,擁有超過六萬條評價、媒體一致好評嘅多人合作射擊遊戲《Deep Rock Galactic》,早排正式落咗 Xbox Game Pass Ultimate,亦即係可以免費遊玩。呢隻遊戲單人遊玩感覺孤單,但係多人合作就好歡樂,極適合搵埋朋友一齊「肝」!

 

 

《Deep Rock Galactic》由 Ghost Ship Games 開發,係一款科幻型射擊遊戲,採用第一身視點,最大支援四人連線合作。遊戲中玩家將扮演矮人,探索由程式隨機生成嘅洞穴,與其他玩家合作進入地下挖掘,再帶住珍貴資源返回地上。由於每次洞穴都係隨機生成,加上周邊環境係 100% 可破壞,所以唔會有固定路線,玩家可以按自己方式向下鑽到目標,又或者造錯綜複雜嘅路線網探索周圍環境,每次都會係新己體驗。

 

 

 

遊戲中提供四個職業,擔任「Gunner」嘅負責殺怪喺前方開路;擔任「Scout」嘅負責探路及喺漆黑一片嘅地底照亮洞穴;擔任「Driller」嘅就負責鑽穿堅硬嘅岩石;擔任「Engineer」就要建造防禦工事及炮塔支援隊伍。

 

 

《Deep Rock Galactic》已經推出,對應平台為 Xbox One(Series X|S 有強化)、Microsoft Windows 及 PC Steam,支援繁體中文。

 

五木

動漫電玩宅,極愛金田一系列,擅長動作及策略遊戲

追蹤

更多文章