好多公司都推出過 Deadpool figure，每隻都跟隨 Deadpool 搞鬼特色加入大量表情配件，玩味十足，今次由 日本 Good Smile Company 推出 Figma Deadpool 再下一城，其中「DX豪華版」包埋著住「孖煙通」的下半身配件，惡搞到極點!

呢隻 Figma Deadpool「普通版」配件都非常豐富，包括三個表情配件 – 得戚丶認真及笑口㨾，同時亦有「心心手勢」等多款手部配件，武器配件都有武士刀及手槍等，關節方面可動性非常強，而且關節收埋得非常好，唔同招牌動作都擺到入型入格。

「DX豪華版」除咗「普通版」配件及「孖煙通」下半身配件外，仲有 Deadpool 最鍾意食的西班牙卷餅以及頭罩半戴的頭部配件，加埋條心心「孖煙通」完美呈現 Deadpool 係漫畫中經典造型，而武器配件亦加配步槍及釵，更加過癮好玩!

預計 2017 年 11 月發售，「普通版」7800 yen 、「DX豪華版」9000 yen