今朝早任天堂就係 Nintendo Direct 度公開咗最新一輪既《Arms》資訊，除咗一如之前所料會公開埋其他角色資料之外，仲展示埋遊戲入面對戰以外既其他模式 (好似仲吸引啲添……)，仲有最重要既一樣就係試拳會既時間，最快係今個月底有得玩啦！！

影片分別介紹晒所有拳套屬性以及角色性能，暫時黎講似乎係首次公開效果既「致盲」屬性比較有威脅性，一旦對方中咗致盲就成個畫面睇唔到野，好似 OP咗啲！

另外之前提過每場對戰贏咗之後會有 Coins，用呢啲 Coins就可以揀對應輕中重三種拳套既 Bonus Stage 黎抽拳套，如果抽中已經有既拳套就會 Upgrade 舊拳套既威力，暫時未知可以 Upgrade 幾多次。

抽到一樣既會加強舊拳套威力

Upgrade 前後威力差別

角色方面將會定為基本十人，係之後既免費 DLC 就會新增角色、拳套同場地咁，而且我地仲係公開既影片發現最少有2隻隱藏角色 (1隻應該係最後大佬黎)。新公布既 2隻新角 Byte & Barq 同 Twintelle 感覺非常強勢，以對戰模式黎講相信係上位角色。

隱藏角色？

疑似最後大佬

Byte & Barq

除咗本人有2隻拳套之外，跟身隻警犬自己都有1隻拳套，而且佢都會攻擊敵人，即係浮游炮啦！

只要踩上去隻狗度就會出到 High Jump

Twintelle

只要處於儲力狀態下就可以緩速敵方攻擊，就咁睇片就覺得好屈！

各種模式公開

今日既重點資訊，除咗最基本既單人 Story Mode (Grand Prix)外，唔少得既當然係 Ranked Mode啦，呢啲野就唔多講啦。最緊要既就係 Versus Mode，係 Versus Mode下會再細分為 Fight、Team Fight、V-Ball、Hoops、Skillshot、1-on-100 呢6個 Mode。Fight 就係基本既 1vs1，Team Fight就係 2vs2，要注意一點就係 Team Fight 係會有 Friendly Fire架，小心打到隊友。至於其他幾個模式就下面講埋。

小心打親隊友丫！

Ranked Mode 輸咗係會跌分的，未知斷線會唔會有懲罰

V-Ball

類似沙灘排球咁玩，但係個波係一定時間之後會爆炸，炸死邊隊就輸，基本上係玩點 Hold 個波係對家個場度，夠晒刺激！

Hoops

1vs1 對戰，用投技捉對方入樽，完全講求走位精確度！

Skillshot

1vs1 or 2vs2，打係場上出現既靶，當然你可以打冧埋對面隊等人地打唔到靶，友情破壞 Game

1-on-1oo

時限內打爆晒出現既假人

最後仲有個試拳套 Training Mode，比你試唔同拳套既組合

睇完我已經好想玩啦，最快係今個月尾 5月26(北美限定)、5月27、28、6月2 (北美限定)、6月3、4號就會舉行試拳會，有興趣既朋友就記得去 eShop 度 DL定先啦！

回帶相關文章：

Nintendo Switch 重點大作《Arms》新片發布 詳解遊戲內容