事源係一位係美國黎自召喚峽谷既印度教領袖：劫 (Rajan Zed) 係網站發表咗聲明，佢認為《Overwatch》入面角色 Symmetra (娜娜) 其中一個 Skin Devi 係印度教入面既女神，印度教徒認為該造型令到印度教女神受到汙辱，佢地無法忍受女神係遊戲入面比玩家任意操控掌握命運，因為係印度教義中，信徒既命運都係由女神所掌握既。
中間呢位就係黎自召喚峽谷既印度教領袖：劫 (Rajan Zed)
黎自召喚峽谷既印度教領袖表示：「歷史中「Devi」有唔同既形象，雖然呢個造型僅僅只係形像上還原咗女神傳統既裝飾同埋藍色皮膚，但係咁樣會影響到印度教信徒既信仰，況且係遊戲入面打打殺殺亦都唔合女神既形象」。阿劫佢就話希望 Blizzard 可以重視宗教係遊戲入面既敏感性，希望將呢個造型下架，話晒「Devi」係神廟中係受萬人景仰，並唔係係遊戲中比玩家操控詆毀。
Symmetra (娜娜) Skin 「Devi」
話說印度教女神既爭議都唔係第一單，另一隻眾神大亂鬥既《Smite》亦都比阿劫 (又係佢！)抗議過，之前就係嘈隻暴力女神「Kali」，當時講既係咁：「以商業目塑造印度神同佢地既經文會傷害到我地呢啲信徒既心！用 Mouse，Keyboard，Joypad 呢啲野控制我地既女神Kali以及其他神係對神既侮辱。神應該供奉係寺廟裡面，受人崇拜，瞻仰；而唔係放係遊戲入面比你地玩架！」(又係呢幾句，悶唔悶)，呢單野係發生係 2012年，當時既印度教美國基金會亦都表達咗將用宗教人物進行比賽既不滿，當時既遊戲廠商 Hi-Rez 就你有你不滿，我有我上架，而到咗今日「Kali」呢個角色依然係《Smite》入面活得好好地……
《Smite》入面既「Kali」
season 2後remodel既造型 (感謝 Rex Lam 提供資訊)
其實周不時都有神殺入遊戲，FF13 都有召喚獸濕婆神，God of war 直頭周圍去殺神添……又唔洗下下都投訴既 (何況我唔認為 Blizzard 會理佢)，btw點解無佛教徒投訴《Overwatch》
印度佬既。
FF13 濕婆神
God of War 打宙斯添啦
VJGamer總編，細細個已經蒲機舖，機齡甚深，熱愛電玩文化。