《Tom Clancy’s Rainbow Six Siege》今日推出新一個免費更新內容 – Operation Skull Rain ，帶黎來自巴西嘅兩個新兵種同埋一個新 map「Favela」。今次兩位新成員係黎自巴西特警部隊「BOPE」，分別係Capitaoatk（攻方）及 Caveira（守方)，而呢兩位新兵種嘅護甲都較輕，移動速度較快，適合進行機動攻防。
Capitaoatk 嘅特殊裝備係戰術十字弓「TAC Mk0」，可配置煙霧彈箭及燃燒箭，煙霧彈箭可以遠距離干擾敵人視線，而燃燒箭可以令到固定守點嘅敵人受到燃燒持續受傷害。
Caveira都幾過癮，佢嘅特殊裝備係把刀仔同埋配置滅聲器嘅手槍，而且具備隱匿行動能力(隱匿移動時間有限)，冇腳步聲之下移動進行暗殺，仲可以捕獲敵人「拷問」，從而得知攻方隊伍所有成員位置，玩法十足 Metal Gear Solid 蛇叔咁，啱哂我玩!
今次免費地圖都係黎自巴西嘅「Favela」，周圍都係狹窄嘅街道，上下層都有唔少 camp位。
Tom Clancy’s Rainbow Six Siege – Operation Skull Rain Trailer
除咗兩個新兵種同一個新地圖，仲會有新嘅槍械外觀同配件，呢個 Operation Skull Rain更新內容而家已經有得玩啦!
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。