今日全世界都圍繞住 Apple 同 Playstation 新機發佈，咁今次呢單就係同 iPhone 7 有關既！
係琴晚既 Apple 發佈會上面，驚現「Mario 之父」宮本茂先生，而佢為大家帶黎既就係首個正式由任天堂推出既手機遊戲，《Super Mario Run》。
《Super Mario Run》既玩法同大家玩開既 Mario 系列相似，都係橫向跑踩蘑菇拎金幣咁，不過最大既分別就係角色係會自己行，玩家可以操作既似乎就淨係得跳，片段所見係直頭停落黎或者行返轉頭都係無做過的，感覺上有啲流流地。而遊戲除咗固有既單人模式之外仲會有一個可以同全世界玩家對戰既 Battle Mode，希望呢個 Battle Mode 唔好係啲 Hea 野令大家失望啦。
至於隻 Game 你以為 iPhone 7 跟埋比你阿？咪發夢啦，要比錢架！宮本茂先生就話呢隻唔需要「重課」，而係用定價收費既方式唔需要玩家持續比錢，都叫有d良心，任天堂就承諾遊戲會係今年聖誕前推出，另外仲會有用係 iMessage 上面既 Mario iSticker。
比較有趣既係 Apple 既發佈會上面公佈你就以為係 iOS 獨佔？咪傻啦，今次只係 iOS 上面做首發咋，AN 機用家唔洗驚，任天堂方面表示係未來會係 Android 系統上面推出，大家等下啦！
VJGamer總編，細細個已經蒲機舖，機齡甚深，熱愛電玩文化。