老任上嘅Wii U就出晒事啦，佢地都唔想多理，主力放返落 N3DS 身上。而之前講過準備會出嘅新主機 NX 終於有樣睇睇啦！

喂？！又改名？！

無錯，任天堂全新作品 Nintendo Switch 正式同大家見面。

而且同傳聞所講一樣係家用機同手提機混合體。

手提式仲可以再分體非常慳位！

遊戲當中仲可以隨時切換家用同手提模式！

但手提式最多支援到720P，可插SD卡，兩個 USB2.0 同一個 USB3.0 插頭，Nintendo Switch將使用全新操作系統，而最重要係終於唔再鎖區！

仲有咁多大廠支持，無Game不如驚佢獨佔好過！

(謎之聲：又有SD卡又唔鎖區，我感受到邪惡嘅氣息…..)

下年 3 月就正式發售，再有新嘅資料我地就第一時間同大家報導！