呢隻《Bully: Anniversary Edition》我諗唔少人對佢都有印象，無錯佢係以前係 08年出過果隻《Bully: Scholarship Edition》移植版黎。同 GTA 都係同一個老豆 (Rockstar)，所以玩法都係熟口熟面，不過就變咗做校園版咁解，今次趁住 Bully 系列踏入 10週年特別將佢係 iOS 同 Android 上面推出，希望更賺多筆多人認識到呢隻遊戲。
《Bully》當初係 PlayStation 2 出果陣都幾紅下，之後係 Wii / Xbox 360 / PC / PS4 都有出過。遊戲扮演廢青 Jimmy Hopkins，係寄宿學校 Bullworth 度比人恰，之後點樣係學校內外對班仇人「覆桌」。今次隻 Game 同舊版相比加咗啲任務、課程同人物角色，人物模組同埋畫面都作出咗一定既強化，而且仲加咗新既多人對戰模式，都叫做有啲誠意。另外雖然係移植落手機度玩，要用極無 Feel 既觸控螢幕操控，之不過呢隻《Bully: Anniversary Edition》亦都支援實體控制器同 Android 既觸角震動效果，叫做到足架啦……隻 Game 已經推出，iOS 同 AN 機都有，承惠 $53。
VJGamer總編，細細個已經蒲機舖，機齡甚深，熱愛電玩文化。