琴日 FALCOM 就正式宣布，將會推出《閃之軌跡》最新續作《閃之軌跡 III》(第二集個結局咁出都預咗啦……)，最神奇既係竟然捨棄 PS Vita 而改為 PlayStation 4 獨佔，同時亦都係第一隻係 PlayStation 4 上面推出既《軌跡》，預定在 2017 年秋季發售。

FALCOM 官方就話今集係「正統進化王道 RPG」(即係咩……)，而《閃之軌跡 III》會繼承軌跡系列既故事性同 RPG 元素，並且係畫面表現上面會有顯著既提升 (PSV轉PS4無提升你好去死啦……)，而遊戲內容就乜都無講，淨係知主角係軍事國家「エレボニア帝国」少年英雄－「リィン・シュバルツァー」，除此之外就得果幾幅圖比你睇咁囉……講住咁多先，我而家要去為部 PSV 默哀啦。(順帶一提《伊蘇 8 丹娜的鼻涕日》PS4 版確定係 2017 年 5 月 25 日推出)