由 BANDAI NAMCO Entertainment 推出既 PlayStation 4 獨佔 Game《GUNDAM VERSUS》，係《Gundam VS.》系列出新作，一直係遊戲系統上面係零消息既，而大家經驗過上一集《機動戦士ガンダム EXTREME VS. VS-FORCE》(即係PSV果隻阿)，相信大家都淆晒底……不過係之前為日本媒體所搞既封閉測試實機試玩會後可以同大家講：放心啦！

今次同以往《Gundam VS.》系列一樣，採用 2 vs 2 對戰 (終於……)。基本操作就同以前一樣都係果4粒制，分別係 正方 射擊、△ 格鬥、X 跳 / 飛同 O 換 Lock，而且保留返「Boost Step (ブーストステップ)」同 Cancel 各種動作既「Boost Dash (ブーストダッシュ)」 。

今次既封閉測試主要 Show 咗三個新 System，分別係「Striker Set (ストライカーセレクト)」 、「Boost Dive (ブーストダイブ)」，同「覺醒」，不過個人黎講覺得係換咗個名 Only，與其話係全新系統不如話係改良舊 System好過。

「Striker Set (ストライカーセレクト)」 即係類似 GVG 既 Assist，亦即係 Call 馬，而且係《GUNDAM VERSUS》係所有 MS 都可以設定 Striker 出黎幫拖。你無睇錯我無打錯，今集 Striker 係有得自己設定的，每架 MS 都有得係三種 Stirker 之中揀二部黎用。而 Striker 仲會分為「射擊」同「格鬥」二類，例如用元祖高達揀「射擊」鐳射大炮就會射野，「格鬥」就會格野 (死啦講完都覺得呢2句好廢)。而要 Call Striker 則需要消秏會隨時間經過而累積的「ストライカーゲージ」 ，就今次展出既試玩入面個計淨係可以累積一次，睇個勢今次戰術變化會更大。

可以見到分別有得用 「鐳射大炮」、「鐵球」同「吉姆」

「射擊」型鐵球

「Boost Dive (ブーストダイブ)」，新系統，可以令機體係空中快速落地，即係千斤墜。其實《EXTREME VS.》Tallgeese III 已經有差唔多野，使用時要消耗 Boost 同埋可以 Cancel 任何動作。今集機體如果進入過熱 (オーバーヒート)狀態會爆火花出黎，所以配合「Boost Dive (ブーストダイブ)」應該可以盡量避面出現過熱狀態。

「Boost Dive」極速潛水，適合成日要搵關公人士

「覺醒」咪即係爆 Seed….即係「射＋格＋跳」三個制一齊撳阿，即係威囉，型囉。今次既「覺醒」會分為「BRAZE GEAR」同「LIGHTNING GEAR」，二擇其一。簡單講「BRAZE GEAR」即係格鬥特化，爆咗之後會短時間內增加格鬥追尾性能。而「LIGHTNING GEAR」即係射擊特化，爆咗之後會長時間延長 Lock On 距離。二種「覺醒」爆發時都會回復友機 Boost，如果係「LIGHTNING GEAR」既話仲會回埋彈添！

出擊時選擇覺醒類型

至於爆咗氣先用到既「覺醒技」當然都會繼續保留啦

LAST SHOOTING 阿，幾型仔

測試版登場機體

Wing Gundam Zero ウイングガンダムゼロ

老虎 グフ

Nu Gundam ニューガンダム

鐳射大炮 ガンキャノン

高達 ガンダム

Full Armor フルアーマー・ガンダム

孤兒仔高達 ガンダム・バルバトス

Gundam Kyrios ガンダムキュリオス

Gundam Exia ガンダムエクシア

新安洲 シナンジュ

獨角獸 ユニコーンガンダム

Tallgeese トールギス

遊戲將於 2017 年發售，PlayStation 4限定，遊戲將會有繁體中文版。