有返咁上下遊戲年資既朋友相信都知道以前 Dreamcast 出過隻騎呢育成 Game《人面魚 SEAMAN》，隔咗咁多年終於出咗隻可以挑戰佢既騎呢育成 Game啦！係 2月6日正式上架，由 Hitorixon 所開發既 《老友記育成箱 (新オヤジリウム)》，成隻 Game 只有一種野可以養…..就係玩養老友記……
《老友記育成箱 (新オヤジリウム)》係屬於單機，無課金內容遊戲，有 iOS 同 Android 版本。隻 Game 基本上係優閒類型，主要都係放置 Play，遊戲入面會提供唔同既道具 / 場景去比你換下樣咁。而遊戲目的…….基本上都無乜目的可言，硬要講既就係儲齊圖鑑入面堆老友記囉。
每隻老友記都極樣衰，而且都有自己既行為模式同成長能力值咁。咁能力值呢味野主要用途就係培育出唔同既老友記黎賽跑 (個過程其實幾搞笑)，而賽跑項目只要拎到第一，就會 Unlock 下一個難度。基本上大家想訓練下對老友記既愛心除咗讓關愛座之外都可以考慮下呢隻 Game。
VJGamer總編，細細個已經蒲機舖，機齡甚深，熱愛電玩文化。