是咁的，睇完之前阿風師兄介紹嘅 High-Resolution Model Gundam Barbatos之後，深深被呢個 HiRM 嘅設計所感動，之後仲急不及待咁喺 PREMIUM BANDAI 訂埋隻 6th Form，一路砌住隻舊嘅去等盒新啦，而到前兩日終於收到貨！

一開見到點解同通販嘅包裝咁似嘅？唔係一向「 BANDAI 魂限」嘅單色包裝咁喎。但比起通販盒身高左重秤左，可以 6th Form 有多套甲同武器，咁呢大細都好應該。但一開盒又比佢嚇一嚇！

喂，個骨架舊包裝？冇分別咁嘅？！

正當自己準備爆個粗口出嚟嘅時候一睇發現，自己錯左，係有唔同嘅，冇偷工減料！而且仲要幾有心思，真係轉返個 6th Form 嘅樣比大家。(如果我係出品，我一定用舊野算！[奸])

成隻 6th Form 總共有 21 份組件，同通販版本最大今別係冇左上次嘅珍珠色，而改用左光澤成形色，兩個上色對比之下，但人觀感好似通販版仲勝一籌，不過邊樣啱玩家就真係純個人喜好。

而最重要嘅骨架就活動角度同可動性都同通販一樣咁高，除左腳掌位置多左一節去做返「高踭鞋」之外，其他都同通販接近一樣。

總結：

始終啱啱收到，未有時間去砌，希望一砌完再有新睇法分享到比大家。但暫時新舊一對之下，未玩過 High-Resolution Model 嘅朋友又覺得「BANDAI 魂限」係一件事，或者覺得 6th Form 係正過通販就當然入呢隻新版啦。但如果純想試下 High-Resolution Model 有幾好玩，又或者玩過諗緊洗唔洗入多隻但錢銀又唔多的話，希望呢篇開箱可以有一個明智嘅選擇比到大家。

High-Resolution Model Gundam Barbatos 相關回帶