《Street Fighters 街霸》系列眨吓眼就 30 週年啦！

呢個家傳戶曉嘅遊戲系列，繼上個月喺 Switch 推出《ULTRA STREET FIGHTER II The Final Challengers》之後，今個月繼續同著名貼紙品牌 B-SIDELABEL 合作推出 SF II ＆ USF II 系列貼紙，將於 6 月 29 日網上先行發售！

負け顔ベガ／負け顔バルログ

USF II 貼紙（10款）：波動拳。／昇龍拳。／ヨガファイアー。／待ちガイル。／自家発電。／制御不能。／ライバル心。／春麗／キャミィ／コマンド（昇龍拳））←個人最想要呢張 Command 貼紙，唔知有幾多人見到佢會識得會心微笑呢？

【B-SIDELABEL 係乜東東】

去開東京玩嘅朋友應該就對 B-SIDELABEL 唔陌生！

因為無論你去 ANIMATE 又去，去壽屋都好，你都會不時見到佢嘅縱影！

品牌合作嘅作品有《戰國 BASARA》、超受歡迎系列《Monster Hunter》等等；

除此之外佢仲有自家設計嘅款式添，得意之餘帶點 KUSO 味，中二得黎又唔過火！

名偵探柯南

亂馬1/2 ＋ 犬夜叉

B-SIDELABEL 嘅貼紙唔止得意，仲防水，而且黏力很好～下面個喼跟住我飛過好多次都仲係無甩過 (〃∀〃)

失禮哂，呢個係我個喼

如果你想買佢嘅貼紙，當然可以去專門店買、亦可以去各大動漫周邊舖頭尋寶； 但最簡單嘅方法就係～如果你東京返香港喺係成田機場上機，佢喺成田都有舖架！ 擺低行李之後去睇吓，我肯定你會忍唔住課金買嘢啊！

最後為大家介紹返街霸貼紙嘅基本資料：

日期：2017年6月29日（四）網上先行發售

售價：各400円+税

如果大家未打算去旅行，但又想買貼紙嘅可以去【CAPCOM 網店】望下！不過出呢篇文嘅時候，已經見到貼紙預約差唔多滿額，睇黎第一輪都係手快有手慢無，想買嘅朋友祝好運啦 (ﾟ∀ﾟ)