主劇情推到第四章「近江四天王」中盤，完成江崎麻將店事件、準備返回小吃店「葵」時，就可於「葵」左邊樓梯觸發「風化島」支線了。

今次桐生要幫助的老闆，正是《人龍0》裡真島一手捧紅的女公關雪紀！雖然按時序黎睇應該一把年紀先係，不過佢都仲係傻大姐咁樣樣啊……

【資金的正確使用方式】
做生意嘛，當然有投資才有回報！開店初期，有錢嘅就全力投資吧。

1－徵人
徵人價格隨住次數而上昇，而每次徵人亦會隨機抽到 Bronze、Silver、Gold 三種珍貴程度嘅女公關；而Premium 白金公關必須推進店舖劇情、勝出比賽先會獲得。

提示：就算比咗錢，都有可能請唔到人（無人黎見工…）
所以徵人前建議先 Save 一下。

金卡！不過就算係金卡嘅顏值都好可怕啊……

勝出第一級比賽就會得到桃乃木香奈了

2－置裝
玩家可以為白金卡的角色進行打扮，呢一點都幾重要，因為打扮可以大影響角色四個屬性，分別為 Sexy／Beauty／Cute／Funny；而打扮入面，除咗臉部化妝唔影響屬性之外，髮型、禮服、配件飾物都會幫角色加分，所以！

幾萬元的裙子就不要省了！有閒錢的話頸鍊和手錶也一口氣買下來吧！

想稱霸四屬性就唔可能架啦，以香奈為例，我放棄佢嘅 Funny 屬性，而將另外三樣提昇至最高

【實戰時如何賺到最大利潤？】

事前準備有兩樣嘢要注意：
（1）一定要挑選狀態最完美嘅小姐落場（粉紅笑笑）先有最佳表現
（2）唔需要執著 Premium / Gold 嘅角色，應重視角色本身嘅技能，例如擅長 Party / Talk / Love 等，確保店裡有足夠小姐應令唔同客人需求

目標係令到場內所有客人感到最滿意

【FEVER 的用途】
隨住店內消費金額增加，左上的 Fever Bar 會累積，每滿一格可以按 R1 出一次 Fever。

（1）如果客人數多，而手頭上唔夠可以用嘅公關，這時避免客人不滿，可以 Fever 黎推動店裡氣氛，有效安撫不滿的客人；
（2）更正確用途就當然係：提高生意額啦！用咗 Fever 後客人會洗錢如倒水（笑）

【結帳的技巧】

（1）如果客人唔係以粉紅笑笑離開 ＝ 送伴手禮；
（2）離關店時間仲有超過 40 秒，而小姐 HP 極低時 ＝ 給予小姐獎勵（可以大幅補 HP）
（3）客人本身極為滿意，或者 小姐 HP 極低，不過馬上到關店時間的話 ＝ 誠懇地送客（可以加粉絲數）

【與角色之間的好感度】

出現粉紅色圖示代表有角色事件發生

同以往玩法有少少似，都係以選項提昇好感度。
不過相比舊作，今次嘅問答選項好似簡單咗好多，用正常人嘅思路去回答應該都唔會揀錯……

無理由揀當客人係媽媽卦？LOL

好感度提昇了！

亦會出現團體活動嘅劇情，呢個時候嘅選項就要反應快少少，因為計時的～

好感度提昇最主要嘅重點係：幫角色升 Level 吖！快過開舖見客升好多架！

【增加粉絲方法】

唔好忘記同蒼天堀嘅店家合作啊！可合作名單可以喺「確認店舖狀況」中見到。

店家附近亦會見到「合作」標示

唔同嘅合作店舖，會帶來唔同數量粉絲；合作方式也很簡單，付錢就行了（汗）

經營風化島一段時間後，會發現搵錢搵得超快，基本上都唔需要喺條街度搵成金野郎賺佢幾萬Yen了。我開店時手持 40 萬元，基本上一口氣都收納咗唔少女仔返黎；但其實本金唔多都唔緊要，玩風化島最重要的還是技巧喔！以上是我的小小心得，歡迎大家參考：）

回帶相關文章：

【人中之龍極2 攻略】餐飲 Combo 獎勵圖文一覽（神室町篇）

【人中之龍極2 攻略】開 Game 之後應該優先取得哪些技能點？

【人中之龍極2 攻略】餐飲 Combo 獎勵圖文一覽（蒼天堀篇）