《Xenoblade 2》正式公布包含二周目等最新遊戲更新內容

已經推出一段時間既任記重點RPG大作《Xenoblade 2》(異度神劍 2)相信唔少朋友到爆晒機兼唔夠喉,不過係黎緊既 2月15號年初一就會迎黎一波大型更新(ver. 1.3.0),更新後將會追加「進階新遊戲模式(アドバンスドニューゲームモード)」, 除咗追加二周目之外仲會加入好多新野!

「進階新遊戲模式」將可以繼承原 Save 入面既劍主 LV、裝備及成長要素、已經同調既神劍、已獲得道具及金錢、城市發展度及傭兵團等級、事件劇場及特殊怪物討伐進度,除此以外既都會重設。

除咗繼承要素之外,進入二周目仲會開放可使用敵對勢力伊拉既角色,如義經、弁慶、佐田彦等角色,會以神劍身份加入。而原本屬於佢地既神劍如神威、斬鐵、雷光、大土等等都可以成為同伴。

無得好似妮雅咁自由設定為神劍或者劍主

 

二周目後所有神劍都將可以派遣去執行傭兵團任務,而且原本係一周目時固定綁死既神劍如炎/光、白虎、華等,都變成可以更換既隊員啦,並且會開放某位特定神劍 LV4 必殺技。至於劍主們就會加入名為「裏牽絆圓環」既新成長要素,圖片所見解鎖點數將會係痴線地高。

佢地到可以派去出任洗牽絆啦

最外環要3萬升一野…..

 

旅館就會新增降級選項,當角色降級之後就會依照降咗幾級而比返相應既 Bouns Exp你,咁呢d Bouns EXP 又有乜用呢?遊戲將會新增「吟遊詩人」,只要用 Bouns EXP 就可以交換特殊道具,當中仲會有擴充劍主裝飾品裝備欄位既道具!

有得 Upgrade 做三格!

 

今次更新亦都包含一周目適用既修改,係神劍選單將會追加「鎖定」功能,鎖住既神劍將無法直接解放,屬於保護機制。同時終於可以 Skip 神劍同調演出,刷神劍終於唔洗等餐死了。

早就要有呢樣野啦

另外小地圖擴大時會顯示各種圖示,仲會追加新既裝飾品、輔助核心裝備、神劍排序選項。最後就係會新增難度「簡易模式」(原本遊戲預設難度為普通),更新後可以係選單自由設換。

五木

動漫電玩宅,極愛金田一系列,擅長動作及策略遊戲

追蹤

更多文章