【冷飯要炒才好吃】《大神 HD 重製版》宣佈落埋 Switch!

PS2 年代名作《大神》呢個遊戲,相信好多玩家就算無玩過個 Game,都會認得隻狗狗大神!呢隻喺 2007 年拎咗「日本遊戲大賞・優秀賞」嘅遊戲,早前推出 HD 重製版本,分別於 PS4、Xbox One 及 及 Steam 上面推出;而官方剛剛亦宣佈《大神》喺今年夏天仲會登錄埋 Switch 平台添!

《大神》以日本神話時代作為背景,以水墨畫筆觸營造遊戲畫面,經過 HD 重製之後,畫面更加係細膩無比!而即將推出嘅  Switch 版本,仲會將遊戲對應 Touch Screen 以及 Joy-con 嘅活動機能添!

就咁講大家可能未必明,不如直接睇 Switch 版《大神》Trailer 就一目了然:

雖然係舊作,但係對於 Switch 玩家黎講,可以因此玩到唔少精彩經典作品,都係一件好事吖!

古拉特

每日徘徊在手機遊戲課金地獄,重度聲優控

追蹤

更多文章