極優秀冒險遊戲《OPUS:靈魂之橋》今日推出 Nintendo Switch 版本!

《OPUS:靈魂之橋》呢隻遊戲可能唔係太多人認識,其實呢隻遊戲已經贏過二座台北國際電玩展「最佳敘事獎」、又曾經入圍有手遊界奧斯卡之稱既「IMGA國際行動遊戲大獎」入面既「最佳敘事 、最佳音樂音效」決選名單,最終雖然鎩羽而歸,但係已經足夠證明呢隻遊戲既實力。

 

遊戲係由之前推出《OPUS 地球計畫》既台灣團隊 SIGONO 製作,遊戲故事背景設定係受到瘟疫摧殘過後既末日,世界到處都係游走既亡魂,倖存唯二既人類女巫「芳」以及火箭技師「約翰」決定要製造一艘乘載靈魂既火箭,將亡魂送到銀河,完成宇宙葬。

製作一艘乘載靈魂的火箭,係佢地共同既目標

 

遊戲主要既目的係需要探索及冒險,係遺跡同廢墟間探險,尋找前人遺留既線索。透過唔同既物品逐少逐少咁了解返末日前既片段,體驗既悲傷又溫暖既劇情。另外為咗完成「宇宙葬」,玩家係需要係火箭工廠、宗教神壇、荒廢都市等等地方去搵材料並加工組裝成火箭。

需要外出探索製作火箭既材料

係舊世界既物品入面每每都有淒美故事

 

值得一提既係遊戲音樂部份由 2016 indiePlay 獨立遊戲嘉年華最佳音樂音效提名作曲家  Triodust 負責,遊戲內超過 60首既原創音樂都屬於非常上乘既作品,淨係呢點已經非常之抵玩!

《OPUS:靈魂之橋》Nintendo Switch 版本已經係今日正式上市,遊戲設有繁體中文、英文及日文三種語言,而家係日本 eShop 做緊首週開賣特價 899 日元,過咗優勢期就會變返為 999 日元,要買就快啦!

 

五木

五木 動漫電玩宅,極愛金田一系列,擅長動作及策略遊戲

追蹤

更多文章