【極速傳說】《Tomb Raider》頭三集「重製」計劃正式爛尾!

早幾日我地先報導完頭三集《Tomb Raider》將會重製落 PC Steam 既消息,滿心歡喜以為有得重溫呢隻經典作品啦,點知早前因為一份聲明就嚇到製作商 Realtech VR 取消計劃,算唔算係最快爛尾既計畫呢?

 

話說係 Realtech VR 宣布於 Steam 推出《Tomb Raider》頭三集重製版之後,原《Tomb Raider》開發商 Crystal Dynamics(現為SE旗下)就出咗份聲明,內容大致係:

「我地一直都好高興大家對《Tomb Raider》系列抱有強烈既熱情,但係今次既計畫並未有官方同意下就直接開始及進行宣傳。因此官方並不能同意呢次既行為。為咗確保玩家能夠得到高品質既遊戲體驗係我地公司既使命,所以所有相關既項目必需透過正式渠道進行。感謝 Fans 們長期對此系列既支持及喜愛。」

 

而係呢份聲明出咗之後,Realtech VR 亦係 Twitter 上面話:「經過今次事件後,我地新項目將會專注係 iOS 平台上既 AR 以及 PC 平台上既 VR,並將不會再提交任何有關第三方授權既申請。」

另外 Square Enix 亦都將之前所有《Tomb Raider》重製版既 Youtube 片段下架,而《Tomb Raider 3》手機重製版亦都正式取消,不過外國玩家就發起咗一次簽名活動,希望 SE 收回成命,有興趣既朋友可以去呢度簽名支持。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章