成日打格 Game 打唔贏啲高手，又冇乜機會覆桌嘅朋友，終於有機會可以用《街霸》贏返佢地一次！Capcom 官方授權同桌遊製作公司 Jasco Games 出品嘅呢隻《Street Fighter The Miniatures Game》過兩日(4月4日)就會喺 Kickstarter 度開始眾籌。

隻 Game 除左可以 6 個玩家混戰之外，仲可以選擇 3 個玩家合作打 Boss。大概玩法係移動、出卡、發動招式後擲骰確定命中及擋格數值，而且仲可以發動連續技同絕招！最重要同時大家最想問嘅應該係啲棋大約會係點呢？

呢 Set 棋暫時得 6 個角色，每隻大約有一隻 Amiibo 咁上下 Size，而且講到明係高品質預先上色嘅收藏人像，仲有埋效果地台，就咁擺一套出嚟都真係高質擺設嚟架。

暫時知道會有 3 個 Plan 可以比大家選擇，包括 USD$ 80 (約港幣$627) 嘅淨係基本遊戲對戰 Set、USD$ 140 (約港幣$1099) 嘅淨係基本遊戲 Set 加 Boss 合作對戰擴張包連所有 Kickstarter 獨家追加、USD$ 280 (約港幣$2197) 嘅 All-in套裝仲包埋下面四集《街霸》總共額外 16 個人物嘅擴張包。

4 月 4 日就會喺 Kickstarter 眾籌，預計下年 3 月先會發貨！