巨型機械人大亂鬥《Override:Mech City Brawl》 最多支援四打 年尾登場

我諗十個男仔有九個都鐘意睇巨型機械人戰鬥,如果你都鐘意既,咁就啱啦!係今年年尾將會推出一隻巨型機械人互毆遊戲《Override:Mech City Brawl》,裡面既巨型機械人隻隻都成棟樓咁高,一邊隻抽一邊整爛晒個城市,真係諗起都興奮!

 

《Override:Mech City Brawl》由 The Balance 開發,遊戲內玩家將負責控制巨型機械人,係各大城市之間進行戰鬥。每部機械人都會有自己獨特既招式、必殺技、終結技等等。而遊戲舞台將會有東京、埃及、舊金山和墨西哥等城市。而遊戲最多支援 4 位玩家共同遊玩,或者 2 vs 2 對戰。

 

最有趣既係呢隻遊戲其中一個多人模式非常特別,四位玩家分別係各自控制巨型機械人既腳部、左手、右手、及機師,溝通唔好的話唔知會唔會行路都有困難呢 :)。當然遊戲仲會有單人戰役模式、2到4人合作模式、本地/在線對戰模式等等。

 

 

基本遊戲會提供 12隻巨型機械人比大家選擇(雖然我覺得機設麻麻地),暫時睇落去畫面表現唔算突出,打擊感亦都未算理想,不過係極缺乏同類型遊戲狀況下,應該都會幾吸引。而且佢嶄新既 4人 Co-op 連機方式,的確幾有新意。

 

《Override:Mech City Brawl》將於今年 12 月 4 日發售,對應 PS4 / Xbox One / Steam 平台。另外官方將於 8月10 – 12日舉行封測,大家可以去下面傳送門登記封測資格。

 

《Override:Mech City Brawl》登記封測資格傳送門

 

五木

動漫電玩宅,極愛金田一系列,擅長動作及策略遊戲

追蹤

更多文章