射擊遊戲大家玩得最多正常就係二戰題材，但係以虛構既第三次世界大戰做題材既射擊遊戲就真係無乜（唔要講緊未來戰爭阿）。呢隻《World War 3》早前就正式公開咗實機遊玩片段，不論射擊感、畫面都非常唔錯，作為軍事迷 / 射擊迷絕對不能錯過！

《World War 3》由獨立開發商 The Farm 51 製作，之前亦有推出過話題性十足既《Get Even》。而佢地同《巫師》系列開發商 RED Projekt CD 同樣地係黎自波蘭，相信《World War 3》會比到大家同其他射擊遊戲唔同既感覺。

本作採用 Unreal Engine 4 製作，屬第一身射擊遊戲。遊戲背景設定係虛構既第三次世界大戰，玩家將扮演步兵，手持各種現代武器，甚至可以駕駛裝甲車、運兵車、戰車等載具殺入戰場。而且開發團隊強調，為了呈現出 最逼真既戰場，佢地一直有同軍火製造公司、軍事中心、特種部隊退伍軍人等等合作，務求令到第三次世界大戰既戰爭氛圍更真實。

另外係《World War 3》入面，將會導入最真實既彈道及裝甲系統，亦即係話玩著住唔同既防護裝甲會有唔同既傷害效果。同時，玩家既槍種、造型、裝甲車等等都可以自訂。

目前已知道既地圖有 3 張，分別為波蘭首都「華沙」，德國首都「柏林」，以及俄羅斯首都「莫斯科」，呢三張地圖同樣位於歐洲地區，意味住第三次世界大戰主要舞台將會係歐洲地區。

《World War 3》將會有二個對戰模式，分別係陣營衝突戰爭模式（War Mode）；以及類似大逃殺模式既巡邏模式（Recon Mode）。而呢個模式同大家玩慣玩熟既《PUBG》並不相同，玩家將會扮演其中一隊小隊當中一員，進入戰場搵出目標情報，當然亦會有其他小隊會搶奪你手上既情報啦。

We know you want to see the gameplay trailer asap and, rest assured, we're working very hard to make it happen. To sweeten up your wait and meet halfway here's a short, spontaneous material 🙂 #worldwar3iscoming pic.twitter.com/AQVtPQoABM

— World War 3 (@ww3thegame) July 11, 2018

《World War 3》遊戲預計於 2018 秋季上市，暫時只有 Steam 平台，而且官方強調遊戲上市時會以相對便宜價格上架（2016年公布果陣係話免費的），不過點都好，大家最希望既梗係會落埋其他平台啦！